Lucas 20:21 - Emberá Chamí

²¹ Wãd̶aped̶a Jesusmaa naka id̶isid̶au: —Jaradeabarii, daiba kuitaa panuu bichiba jipa jaradeabarii. Bichiba joma ẽbẽrarã arab̶aud̶e unubarii maud̶e Dachi Akõre o ʉ̃rʉbena jomaurãmaa biawãra jaradeabarii.

Lucas 20:21 Iomraidhean Croise

Mateo 22:16

Maud̶eeba fariseorãba ãchi baara nibabadaurã maud̶e Herodes jãkaa panuurã Jesusmaa bʉisid̶au. Maarãba Jesusmaa jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii.

Marcos 12:14

Need̶aped̶a jarasid̶au: —Jaradeabarii, daiba kuitaa panuu bichi ẽbẽra jipa nii. Ab̶au bid̶a bichimaa awara kʉ̃risiabikau, bichiba joma ẽbẽrarã arab̶aud̶e unubariid̶eeba. Maumaarã biawãra Dachi Akõre o ʉ̃rʉbena jomaurãmaa jaradeabarii. Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Lucas 20:20

Maabae paare mechiurãba ẽbẽrarã sõbia nuree kĩra bʉisid̶au Jesusba jaraaruu biꞌia ũrid̶amera. Maarãba Jesús kachirua berrearuu ũriiduubʉrã mau kakua jidaud̶aped̶a ãchi druad̶ebena jaradea ua b̶uabarii juad̶e dead̶ai kʉ̃risia panasid̶au.

Lucas 20:22

Maka b̶uubʉrã daimaa jarase, Romad̶ebena baita chi nejarra paai b̶uu ¿dachi judiorãba paad̶ai b̶uka? maebʉrã ¿biꞌiwãe b̶uka?

Juan 3:2

Mau Nicodemo ẽsabud̶aa Jesusmaa wãsii. Maabae Jesusmaa jarasii: —Jaradeabarii, daiba kuitaa panuu bichi Dachi Akõreba bʉid̶a. Dachi Akõre bichi baara b̶uad̶awãe basirã chi ẽbẽrarãba ne poyaa waud̶akau poyaa waubai basii.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Gálatas 2:6

Chi mechiurã abadau ãbarãba kʉ̃risia awara jarad̶aabasii mʉʉba jaradeamera. Maumaarã kuitaasid̶au Dachi Akõreba mʉ bʉisii chi bed̶ea bia Cristo ʉ̃rʉbena judiowãerãmaa jaradeamera Pedro judiorãmaa bʉid̶a kĩra. (Ãchi chi mechiurã panuu abadamina, mʉ baita arab̶aud̶e b̶uu, Dachi Akõreba dachi kĩra awara unukaud̶eeba).