Lucas 2:27 - Emberá Chamí

²⁷ Dachi Akõreba Moisesmaa b̶ʉbid̶ad̶e b̶ʉ kub̶uu kĩra waud̶ai baita akõrerãba Jesús Dachi Akõre de mechiud̶aa adoesid̶aud̶e Dachi Akõre Jauriba Simeón araa wãbisii.

Lucas 2:27 Iomraidhean Croise

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Lucas 2:22

Chi warr adaud̶akare chi naweba nui b̶uu ewari joma wausii Moisesba b̶ʉd̶a kĩra. Mau ewari baaruud̶e María José omeeba chi wãwa Jerusalend̶aa adoesid̶au Dachi Mechiu daad̶e b̶ud̶ayua.

Lucas 2:28

Simeonba chi warr unusiid̶e jira adauped̶a Dachi Akõremaa naka biꞌia jarasii:

Lucas 2:41

Añocha Jesús akõrerã Jerusalend̶aa wãbachid̶au judiorã Pascua ewari waud̶ai baita.

Lucas 2:48

Chi akõrerãba ichi unusid̶aud̶e kauwa kʉ̃risiad̶aabasii. Chi naweba ichimaa id̶isii: —Wau, ¿bichiba sakãe jãkasma? ¿Sakãe nama b̶eesma? Mʉ maud̶e bichi akõre omeeba ãrea kĩra nomaa panuud̶eeba bichi jʉrʉ panasid̶au.

Lucas 2:51

Maabae Jesús ãchi baara Nazaretd̶aa wãsii. Ãchiba jaraaduu ichiba joma waubachii. Joma Jerusalend̶e makad̶a chi naweba ãrea biꞌia kʉ̃risia b̶uabachii.

Lucas 4:1

Jesús Dachi Akõre Jauri baara b̶uad̶a, Jordán dod̶ebena waya wãsii. Maud̶e Dachi Akõre Jauriba mau drua sirua wãꞌãe b̶uud̶aa adoesii.

Hechos 10:19

Pedroba unud̶a wabid̶a kʉ̃risia b̶uud̶e Dachi Akõre Jauriba ichimaa jarasii: «Ẽbẽrarã õbea panuuba bichi jʉrʉ panuu.

Hechos 11:12

Dachi Akõre Jauriba mʉ maarã baara wãabai a kʉ̃risiawẽa wãbisii. Cesarea puurud̶e need̶aped̶a dai ãchi jaradea ua b̶uabarii ded̶e ed̶aa wãsid̶au. Nau 6 ãbarã mʉ baara panasid̶au.

Hechos 16:7

Misia drua kaita neesid̶aud̶e Bitinia druad̶aa wãd̶ai kʉ̃risiasid̶au, maamina Jesús Jauriba ida kabiabasii.

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

Apocalipsis 1:10

Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.

Apocalipsis 17:3

Ara makʉd̶e Dachi Akõre Jaurid̶eeba angelba mʉ drua sirua wãꞌãe b̶uud̶aa adoesii. Aria mʉʉba wẽra ab̶a ãnimara kachirua ʉ̃rʉ akʉ b̶uu unusii. Puria nibasii maud̶e ichi kakuad̶e trʉ̃ ãrea Dachi Akõre ʉ̃rʉbena kachirua jaraaruu b̶ʉ inibasii. Boro 7 maud̶e kachu 10 inibasii.