Lucas 19:47 - Emberá Chamí

⁴⁷ Jesusba ewaricha Dachi Akõre de mechiu dud̶a jaradea b̶uabachii. Maud̶e paare mechiurãba, Moisesba b̶ʉd̶a jaradeabadaurãba maud̶e ẽbẽrarã chi mechiurãba ichi bea kʉ̃ria panasid̶au.

Lucas 19:47 Iomraidhean Croise

Mateo 21:23

Jesús waya Dachi Akõre de mechiu kaita neeped̶a jaradea b̶eesii. Maka b̶uud̶e paare mechiurã maud̶e judiorã mechiurã ichimaa need̶aped̶a ichimaa id̶isid̶au: —Bichiba nama wau b̶uu ¿kaiba naka waubi b̶uma?

Mateo 26:55

Maabae Jesusba waabenarãmaa id̶isii: —Machi ¿sakãe machi espada maud̶e bakuru baara imisid̶ama mʉ jidaud̶ayua ẽbẽra mia kachirua nii jidauduu kĩra? Mʉʉba ewaricha Dachi Akõre de mechiu dud̶a machimaa jaradea akʉ b̶uabachii. ¿Sakãe mʉ aria jomaurã daad̶e jidaud̶aabasma?

Marcos 11:18

Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Marcos 12:12

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina Jesús jãkaa ẽbẽrarã ãrea basiid̶eeba jidaubid̶ai wapea panasid̶au. Maka mau ida apii b̶ud̶aped̶a maabae ãyaa wãsid̶au.

Marcos 14:1

Ewari ome baaruud̶e judiorãba Pascua ewari waud̶ai basii. Mau bari panabadau ewarid̶e pan ẽesãabibariiwãe b̶uu kobadau. Paare mechiurãba maud̶e Moisesba b̶ʉd̶a jaradeabadaurãba jʉrʉbachid̶au Jesús setaa saka kũraad̶ai. Maka jidaud̶ai basii maud̶e beabid̶ai basii.

Marcos 14:49

Ewaricha mʉ Dachi Akõre de mechiu dud̶a b̶uabarii ichi bed̶ea jaradeayua. ¿Sakãe mʉ aria jomaurã daad̶e jidaud̶aabasma? Maamina nau makamaa b̶uu Dachi Akõre Bed̶ea b̶ʉd̶ad̶e jara b̶uu kĩra.

Lucas 19:48

Maamina poyaa bead̶aabasii jomaurãba ichi bed̶ea ewaricha ũribadaud̶eeba.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Juan 10:39

Maud̶e ãchiba waya Jesús jidau adoed̶ai kʉ̃ria panasid̶au, maamina ãchi juakaa wãsii.

Juan 18:20

Maud̶e Jesusba panausii: —Mʉ nau iujãad̶ebenarã daad̶e arakʉd̶e berrea b̶uasii. Mʉʉba jaradea b̶uasii dachi judiorã araa ãbua imibadau decha maud̶e Dachi Akõre de mechiu dud̶a, joma dachi judiorã araa ãbua imibadaumaa. Ab̶a bid̶a mirubia berreabasii.

Juan 7:19

Dachi Akõreba Moisesmaa b̶ʉbid̶a chi Moisesba machimaa deasii. Maamina machiba mau ichiba b̶ʉd̶a ijãad̶akau. ¿Sakãe machiba mʉ bea kʉ̃ria panuma?

Juan 7:44

Chi nureeba ichi jidau kʉ̃ria panasid̶au, maamina ab̶au bid̶a jidaud̶aabasii.