Lucas 19:38 - Emberá Chamí

³⁸ Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Lucas 19:38 Iomraidhean Croise

Mateo 2:2

Maud̶e ãchiba id̶isid̶au: —Nau druad̶e judiorã rey bai b̶uu chi wãwa adausii. Mau ¿sama b̶uma? Daiba ʉmada neebariare pusterrea ichid̶ebena unusid̶au. Maud̶eeba dai neesid̶au ichimaa biꞌia berread̶ayua.

Mateo 21:9

Maud̶e ãrea ẽbẽrarã ichi naa nibaped̶aad̶aba, ichi kaad̶e needuu bid̶a maka b̶iasid̶au: ¡Biꞌia nii Davidd̶ebena need̶a! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii chi Bajãad̶e B̶uu!

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Lucas 13:35

Maud̶eeba Dachi Akõre waa machi baara b̶uabai. Machiba mʉ waya unud̶aabai ab̶a mʉ biꞌia irsibiiduud̶aa. Mau ewarid̶e naka jarad̶ai: “¡Ãrea biꞌia b̶uu chi Dachi Mechiu trʉ̃d̶e neeruu!”

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Efesios 1:12

Maka wausii dai judiorã chi naa Cristod̶e ijãaped̶aad̶arãba ichi biꞌia nii ʉ̃rʉbena biꞌia berread̶amera.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.

Efesios 3:10

Jãabae ẽbẽrarã, Dachi Akõred̶eeba Ichiba ichi ne jomad̶e ãrea kuitaa b̶uu kuitaabiasii chi meserãa nureerãmaa maud̶e bajãad̶ebena chi mechiu nureerãmaa.

Efesios 3:21

Ãbarã, Jesucristo baara panuud̶eeba ¡ewaricha Dachi Akõremaa biꞌia berread̶ai panuu! Biꞌia b̶uu maka b̶uai.

Colosenses 1:20

Maud̶e kʉ̃riasii Cristod̶eeba ne joma bajãad̶ebena maud̶e nau iujãad̶ebena ichi ome biꞌia nuread̶amera. Maud̶eeba Cristo cruzd̶e oa chesiid̶eeba ichi ome jirukaraayuwãe b̶usii.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.