Lucas 19:13 - Emberá Chamí

¹³ Wãi naed̶e ichi baita bari trajabadaurã 10 iuped̶a chi nejarra ãrea ãchicha deasii. Maud̶e jarasii: “Mʉ neeruumisa nau chi nejarra waribísturu”.

Lucas 19:13 Iomraidhean Croise

Mateo 25:16

Chi 5.000 adaud̶a trajad̶e wãsii mau chi nejarra waribii baita. Maka ichiba maucha 5.000 adausii.

Mateo 25:20

Chi 5.000 adaud̶a neeped̶a maucha 5.000 deaped̶a jarasii: “Mʉ chibari, bichiba 5.000 dead̶ad̶ebena mʉʉba maucha 5.000 eneesii”.

Mateo 25:22

Maabae chi 2.000 adaud̶a neeped̶a jarasii: “Mʉ chibari, bichiba 2.000 dead̶ad̶ebena mʉʉba maucha 2.000 eneesii”.

Mateo 25:24

»Maamina chi 1.000 adaud̶a neeped̶a jarasii: “Mʉ mechiu, mʉʉba kuitaa b̶uu bichiba waabenarã kĩra chuburiakau chi nejarra aude adaui baita. Mau awara waabenarãba uuped̶aad̶a adaubarii.

Lucas 19:12

«Ẽbẽra chi jaradea ua b̶uabarii waabena druad̶aa kaitawẽ wãsii, jomaurã aude jaradea ua b̶uabariiba mau ara ichi druad̶ebena rey b̶umera. Mauba kʉ̃risiasii nau maad̶akare waya neei.

Lucas 19:14

Maamina ichi druad̶ebenarãba mau ãrea kĩramaa panuud̶eeba, ẽbẽrarã bʉisid̶au jomaurã jaradea ua b̶uabariimaa naka jarad̶amera: “Daiba kʉ̃riawẽa panuu jãu dai rey bayu”.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.