Lucas 19:12 - Emberá Chamí

¹² «Ẽbẽra chi jaradea ua b̶uabarii waabena druad̶aa kaitawẽ wãsii, jomaurã aude jaradea ua b̶uabariiba mau ara ichi druad̶ebena rey b̶umera. Mauba kʉ̃risiasii nau maad̶akare waya neei.

Lucas 19:12 Iomraidhean Croise

Mateo 21:38

Maamina ãchiba mau warr unusid̶aud̶e ãchi chiya jarasid̶au: “Jãuba ichi akõre ne kaebea joma adaui chi akõre biuruud̶e. ¡Jãu beáduru! Makaburu chi drua dachi baita b̶eei”.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Marcos 12:1

Maud̶e Jesusba nebʉrʉʉruuba ãchimaa jarasii: —Ẽbẽra ab̶a b̶uasii. Ewari ab̶aud̶e mau ẽbẽraba uva uusii maabae mokaraba ad̶u karaasii. Aria chob̶ea korosii chi uva barasui baita. Maud̶e de ʉtʉ wausii mamauba joma ichiai baita. Maabae ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uud̶a chauruud̶e sãabe ichimaa dead̶ai panuu. Maka bed̶ea dead̶aped̶a chi chibari ãibena druad̶aa wãsii.

Marcos 16:19

Maka jarasiid̶e Dachi Akõreba Dachi Mechiu Jesús bajãad̶aa adoesii. Aria ichi jua biare akʉ b̶eesii.

Lucas 20:9

Mau maad̶akare Jesusba ẽbẽrarãmaa naka nebʉrʉsii jaradeai baita: «Ẽbẽra b̶uasii. Mau ẽbẽraba uva ichi druad̶e uusii. Maabae chi ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uu nub̶uu chauruud̶e sãabe ichimaa dead̶ai panuu. Maabae kaitawẽ wãped̶a aria ewari aribia b̶eesii.

Lucas 24:51

Maka biꞌia berrea b̶uud̶e Dachi Akõreba ichi bajãad̶aa adoesii.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

1 Corintios 15:25

Biawãra Cristo jomaurã Mechiu b̶uai b̶uu ab̶a joma ichi kĩramaabadaurã poyaaruud̶aa.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.