Lucas 18:43 - Emberá Chamí

⁴³ Ara makʉd̶e unu kob̶eesiid̶e Jesús kaad̶e nibad̶easii. Mauba Dachi Akõremaa ãrea biꞌia jara nibasii. Mau unuped̶aad̶arã bid̶a Dachi Akõremaa biꞌia jara paneesid̶au.

Lucas 18:43 Iomraidhean Croise

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 21:14

Jesús Dachi Akõre de mechiu dud̶a b̶uasiid̶e dau pãriu nuree maud̶e jʉ̃rʉ nʉka nuree ichimaa imisid̶au. Maud̶e ãchi aribiabiasii.

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 13:17

Jesusba mau jarasiid̶e chi ichi ʉ̃rʉbena kachirua jara panuu ãrea perasid̶au, maamina ichiba ne kaebea bia wausiid̶eeba puurud̶ebenarã ãrea kĩrajʉʉ panasid̶au.

Lucas 19:37

Jesús Olivo ea ed̶aa wãbadau o kaita kãrid̶aud̶e, joma ichi baara nibabadaurãba Dachi Akõremaa jĩwa biꞌia berrea kopaneesid̶au. Kĩrajʉʉ panasid̶au Jesusba ãchi daad̶e ãchiba ẽbẽrarãba ne poyaa waud̶akau wau b̶uasiid̶eeba.

Lucas 4:39

Jesusba ed̶aa ichiaped̶a chi kʉamia iadaasiid̶e chi kʉamia duusii. Ara makʉd̶e mau wẽra jiraduped̶a chiko dead̶akasii.

Lucas 5:26

Mau unusid̶aud̶e joma pera duanuu kĩra duaneesid̶au. Maud̶eeba Dachi Akõre ãrea biꞌia jarasid̶au. Dachi Akõre wapead̶eeba jarasid̶au: —¡Id̶i biawãra ẽbẽrarãba ne poyaa waud̶akau mechiu unusid̶au!

Lucas 9:43

Dachi Akõre poyaad̶eeba chi makad̶a unusid̶aud̶e jomaurãba pera duanuu kĩra duaneesii. Ichiba wau b̶uu kakua ẽbẽrarãba wabid̶a ãrea kʉ̃risia panuud̶e Jesusba ichi baara nibabadaurãmaa jarasii:

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.