Lucas 18:38 - Emberá Chamí

³⁸ Maud̶eeba chi dau pãriu niiba jĩwa b̶iasii: —¡Jesús, Davidd̶ebena need̶a, mʉ kĩra chuburiáse!

Lucas 18:38 Iomraidhean Croise

Mateo 12:23

Jomaurãba kãare kʉ̃risiad̶ai adua basiid̶eeba id̶isid̶au: —¿Nau Davidd̶ebena neei b̶uuwãeka?

Mateo 15:22

Maud̶e cananeobid̶a wẽra mau druad̶ebena Jesús niimaa neesii. Mau wẽraba naka jĩwa berrea kob̶eesii: —¡Mʉ Mechiu, Davidd̶ebena need̶a, mʉ kĩra chuburiáse! Mʉ kau jai kachiruaba ãrea biꞌiwãe b̶eebi b̶uu.

Mateo 21:15

Maamina Jesusba aria ẽbẽrarãba ne poyaa waud̶akau wauruud̶e, warrarã Dachi Akõre de mechiud̶e panad̶aba Jesusmaa naka jĩwa jarasid̶au: «¡Biꞌia nii Davidd̶ebena need̶a!» Chi paare mechiurãba maud̶e Moisesba b̶ʉd̶a jaradeabadaurã bid̶a mau unusid̶aud̶e, kĩrusid̶au.

Mateo 21:9

Maud̶e ãrea ẽbẽrarã ichi naa nibaped̶aad̶aba, ichi kaad̶e needuu bid̶a maka b̶iasid̶au: ¡Biꞌia nii Davidd̶ebena need̶a! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii chi Bajãad̶e B̶uu!

Mateo 9:27

Jesús mamabena wãsiid̶e dau pãriu nid̶au ome ichi kaad̶e b̶ia neesid̶au. Mau ẽbẽrarãba b̶ia kopanuuba jarasid̶au: —¡Jesús, Davidd̶ebena need̶a, dai kĩra chuburiáse!

Lucas 18:37

Maud̶e waabenarãba jarasid̶au: —Jesús Nazaretd̶ebena naud̶e wãaruud̶eeba ãrea panuu.

Lucas 18:39

Chi Jesús naa wãaduurãba iadaasid̶au chũpeamera. Maamina jĩwa b̶iasii: —¡Davidd̶ebena need̶a, mʉ kĩra chuburiáse!

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Apocalipsis 22:16

»Mʉ Jesusbʉ. Mʉʉba ángel ab̶a bajãad̶ebena bʉisii joma ãbarã nau iujãad̶e nureecha mau jarakuamera. Mʉ Davidd̶ebena need̶abʉ, ichid̶ebena need̶a kĩra b̶uu. Mʉ Daped̶ebena pusterrea ãrea koabarii abadau».