Lucas 18:32 - Emberá Chamí

³² Waabenarãba mʉ judiowãe nureerãmaa dead̶ai. Mʉ atua jarad̶ai, kachirua jarad̶ai maud̶e mʉʉmaa id̶ud̶ai.

Lucas 18:32 Iomraidhean Croise

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 20:19

Maabae mʉ judiowãerãmaa dead̶ai, mʉ atua jarad̶aped̶a, soaba ped̶aped̶a maabae mʉ cruzd̶e jirab̶u bead̶amera. Maamina ewari õbead̶e mʉ chokae jiradui”.

Mateo 22:6

Waabenarãba chi trajabadaurã jidaud̶aped̶a sĩd̶aped̶a beasid̶au.

Mateo 26:67

Maabae chi nureeba Jesús kĩedarrmaa id̶usid̶au maud̶e drʉsid̶au. Waabenarãba ichi sĩsid̶au.

Mateo 27:2

Maabae jʉ̃d̶aped̶a, Romad̶ebena ẽbẽra Poncio Pilato abadaumaa adoesid̶au. Mau Pilato Judea druad̶ebena jaradea ua b̶uabarii basii.

Marcos 14:65

Chi nureeba Jesusmaa id̶usid̶au maabae dau bʉrad̶aped̶a drʉsid̶au. Maka duanuud̶e jarasid̶au: —¡Biawãra bichi Dachi Akõre Warrbʉrã, jarase kaiba bichi sĩsii! Maud̶e Dachi Akõre de nubadaurãba bid̶a ichi sĩbachid̶au.

Marcos 15:1

Daped̶eed̶e paare mechiurã, chi judiorã mechiurã maud̶e chi Moisesba b̶ʉd̶a jaradeabadaurã, maarã jomaurãba, ãbua bed̶ea deasid̶au Jesús Pilatomaa adoed̶ai baita. Ara makʉd̶e Jesús jʉ̃d̶aped̶a adoesid̶au.

Lucas 18:33

Maabae mʉ soaba ped̶aped̶a bead̶ai. Maamina ewari õbead̶e mʉ chokae jiradui».

Lucas 23:1

Ara makʉd̶e joma chi araa ãbua duanuu judiorã mechiurã jiradud̶aped̶a Jesús Pilatomaa adoesid̶au.

Lucas 23:11

Maka panuud̶e Herodesba maud̶e ichi kokoroarã bid̶a Jesús kachirua jara duanasid̶au. Paru ʉ̃rʉ jʉ̃barii mipitaa Jesusmaa jʉ̃bid̶aped̶a ichi atua jara duanasid̶au. Mau maad̶akare Herodesba ichi Pilatomaa waya bʉisii.

Lucas 23:35

Joma mau ẽbẽrarãba ichia duanasid̶au. Maud̶e chi karrarãba ichi atua jara duanasid̶au: —Waabenarã karibasii. Nau chi Dachi Akõreba Dachi Karibabarii deai jarad̶abʉrã maud̶e Ichiba Bʉid̶abʉrã, ¿sakãe ara ichi du ab̶a poyaa karibawẽma?

Juan 18:22

Jesusba maka jaraaruud̶e chi nubarii ichi kaita b̶uuba jua jãaba Jesús kĩedarrmaa sĩped̶a jarasii: —¿Maka panau b̶uka chi paarerã mechiumaa?

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Juan 18:30

Ãchiba panausid̶au: —Nauba kachirua waud̶awãe basirã daiba nau bichimaa adoed̶aabai basii.

Juan 18:32

Judiorãba maka jaraped̶aad̶aba kuitaabiasii Jesusba ichi saka biui b̶uu jarad̶a biawãra makasii.

Juan 18:35

Maud̶eeba Pilatoba jarasii: —¿Makarã mʉ judioka? Ara bichi puurud̶ebenarãba maud̶e paare mechiurãba bichi mʉʉmaa eneesid̶au. ¿Bichiba kãare wausma maarãba naka waud̶amera?

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.