Lucas 18:21 - Emberá Chamí

²¹ Chi mukĩraba panausii: —Mʉ kũdrãaed̶ebena joma mau wau b̶uu.

Lucas 18:21 Iomraidhean Croise

Lucas 15:29

Maud̶e chi warr dawarauba chi akõremaa jarasii: “Ewaricha mʉ bichi baita ãrea trajabarii. Bichiba jaraaruu joma wau b̶uabarii. Maamina bichiba cabra warr ab̶a bid̶a mʉʉmaa deakau mʉ kõpaerorã ome kĩrajʉʉ kod̶ai baita.

Lucas 15:7

»Ara mau kĩra mʉʉba machimaa jaraaruu: 99 jipa nuree baita bajãad̶ebenarã kĩrajʉʉbadamina, aude kĩrajʉʉbadau ẽbẽra ab̶a kachirua waubarii Dachi Akõremaa neeruud̶e.

Lucas 18:20

Bichiba kuitaa b̶uu Dachi Akõreba waubi b̶uu bed̶ea. Naka jara b̶uu: junebena miakãid̶a ome kãi b̶eerã́se, mia bearã́se, nechiruarã́se, setaa jararã́se waabenarã ʉ̃rʉbena, bichi akõre maud̶e bichi nawe wapeadee b̶uase.

Lucas 18:22

Mau ũriped̶a Jesusba ichimaa jarasii: —Wabid̶a bichiba ne kaebea ab̶a waui b̶uu: bichiba ne uru b̶uu joma nedobʉiped̶a chi nejarr barauwãe nureemaa dease. Maka bajãad̶e ne bia uru b̶uai. Maabae mʉ baara nibad̶e neese.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.