Lucas 18:14 - Emberá Chamí

¹⁴ »Mʉʉba machimaa jaraaruu: fariseo audeara mau ẽbẽra deed̶aa wãsiid̶e, Dachi Akõre daad̶e jipa b̶uasii. Chi ab̶a chi mechiu nibai kʉ̃ria b̶uubʉrã Dachi Akõreba kaebeu b̶ui. Maamina ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 18:14 Iomraidhean Croise

Mateo 23:12

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii.

Mateo 5:3

«Biꞌia panuu machi chi miichuburi nuree unubadau, Bajãad̶e B̶uuba machi ichi juad̶e ua b̶uud̶eeba.

Lucas 1:52

Chi mechiu b̶ead̶a ãyaa duanuped̶a chi kaebeu b̶ee chi mechiu duanusii.

Lucas 10:29

Maamina Moisesba b̶ʉd̶a jaradeabariiba ichi jipa b̶uu unubii kʉ̃riasii. Maud̶eeba Jesusmaa id̶isii: —Maamina “waabena” jaraaruud̶e ¿mau kai jara b̶uma?

Lucas 14:11

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Romanos 4:5

Maamina Dachi Akõreba chi ichid̶irã jipa nuree baara b̶umera chi ne wauwẽa b̶uuba ichid̶e ijãaruubʉrã, mau ẽbẽra chi ichid̶irã jipa nuree baara b̶ui. Chi kachirua wau nureerãba ichid̶e ijãaduubʉrã ichiba chi ichid̶irã jipa nuree baara duanubarii.

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Romanos 8:33

¿Kaiba Dachi Akõremaa ichiba jʉrʉ adaud̶arã ʉ̃rʉbena poyaa kachirua jaraima? Ara Dachi Akõreba dachi chi ichid̶irã jipa nuree baara duanubarii.

Gálatas 2:16

Maamina dachiba kuitaa panuu Dachi Akõreba ab̶a bid̶a b̶uwẽe chi jipa nuree baara, mau Moisesba b̶ʉd̶a wau b̶uud̶eeba. Maumaarã Jesucristoba mau Moisesba b̶ʉd̶a kĩra joma wausiid̶eeba, Dachi Akõreba dachi b̶ubarii chi jipa nuree baara. Maud̶eeba dachia bid̶a Jesucristod̶e ijãasid̶au maud̶e Jesucristod̶e ijãa b̶u kakua maka chi ichid̶irã jipa nuree baara duanubarii, ichiba mau b̶ʉd̶a kĩra joma waud̶a kakua. Biawãra Moisesba b̶ʉd̶a wau panuud̶eeba Dachi Akõreba dachi b̶ukau chi jipa nuree baara.

Santiago 4:10

Chi waabenarã audeara mechiuwãe nuree, Dachi Mechiu daad̶e nésturu. Maka mauba machi chi mechiurã b̶ui.

Santiago 4:6

Maamina Dachi Akõreba ichi sõbiad̶eeba dachi ãrea aid̶a b̶uu. Maud̶eeba Ichi Bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabikau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».