Lucas 18:12 - Emberá Chamí

¹² Misacha b̶es ome Dachi Akõre baara b̶uayua kokau ewari waubarii, maud̶e ne kaebea 10 irsibibariid̶ebena mʉʉba bichimaa ab̶a deabarii”.

Lucas 18:12 Iomraidhean Croise

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Mateo 6:1

»Kaubaa ne bia waud̶ai Dachi Akõre baita waabenarã daad̶e maarãba ichiad̶amera. Maka wauduubʉrã, machi Akõre bajãad̶e b̶uuba ichiba ne bia deabai.

Mateo 6:16

»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.

Mateo 6:5

»Bichiba Dachi Akõremaa ʉtaa id̶iiruud̶e setaa ẽbẽra bia nuree abadaurãba waubadau kĩra waurã́se. Ãchiba judiorã araa ãbua imibadau ded̶e maud̶e puurud̶e bid̶a b̶ari nupaneed̶aped̶a Dachi Akõremaa ʉtaa id̶ibadau ẽbẽrarãba biꞌia unud̶amera. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶áburu bia uru panad̶ai. Dachi Akõred̶ebena ne kaebea bia uru panad̶aabai.

Mateo 9:14

Mau maad̶akare Juan chi Boro Eabarii baara nibabadaurã Jesusmaa need̶aped̶a id̶isid̶au: —Dai maud̶e fariseorã baarauba chiko kod̶akau ewari waubadau, maamina bichi baara nibabadaurãba ¿sakãe maka waud̶akama?

Lucas 11:42

»¡Machi fariseorã miichuburi nuree Dachi Akõreba kastikaid̶eeba! Machiba menta kiruu, ruda kiruu maud̶e uu nub̶uud̶ebena 10 chauduucha, ab̶a Dachi Akõremaa deabadau. Maamina waabenarã ome jipa waud̶akau maud̶e Dachi Akõre kʉ̃riad̶akau. Maka waud̶ai panuu, machiba kiruu deabadau kĩra Dachi Akõremaa.

Lucas 17:10

Ara mau kĩra machiba waud̶ai panuu joma wauped̶aad̶akare naka jarad̶ai panuu: “Dai chi chibari baita bari trajabadaurã kaebeu nuree; ab̶aburu daiba waud̶ai panuu wausid̶au”.

Romanos 3:27

Maud̶eeba ¿kãare ara dachi ʉ̃rʉbena biꞌia berread̶aima? Poyaa biꞌia berread̶aabai. ¿Sakãe? Poyaa biꞌia berread̶aabai, Moisesba b̶ʉd̶a wau panuud̶eeba chi ichid̶irã jipa nuree baara duanuubaid̶eeba, maumaarã Jesusd̶e ijãa panuud̶eeba maka duanui.

1 Corintios 1:29

Maud̶eeba ab̶au bid̶a ara ichi ʉ̃rʉbena Dachi Akõre daad̶e poyaa biꞌia berreawẽma.

Gálatas 1:14

Judiorãba jaradeabadau mʉʉba biꞌia kuitaaruu basii mʉ ab̶aarakaurã audeara, dai nabẽraed̶ebenarãba waubachid̶au mʉʉba ãrea waubachiid̶eeba.

Efesios 2:9

Machiba biꞌia wau panuud̶eeba Dachi Akõreba karibaabasii. Maka ab̶au bid̶a ara ichi ʉ̃rʉbena poyaa biꞌia berreabai.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.