Lucas 17:6 - Emberá Chamí

⁶ Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Lucas 17:6 Iomraidhean Croise

Mateo 14:29

Ara makʉd̶e Jesusba jarasii: —¡Neese! Ara makʉd̶e Pedro jãbad̶ebena ed̶aa wãped̶a Jesusmaa bania ʉ̃rʉ kãribasii.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 21:21

Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Marcos 4:31

Mostaza taa kĩra nii. Mau mostaza taa joma dachiba uubadau audeara kaebeara nii.

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.

Lucas 13:19

Mostaza taa kĩra b̶uu. Ẽbẽraba mau taa ichi druad̶e uusii. Tonoped̶a warisii ab̶a bakuru mechiu nub̶eeruud̶aa. Maud̶eeba ibana chi bakuru juad̶e de waukuad̶e neesid̶au».

Lucas 17:7

»Bichi baita bari trajabarii ne uud̶ad̶e traja b̶uaped̶a maebʉrã oeja nu b̶uaped̶a neesiid̶e ¿bichiba maumaa jarai b̶uka “Akʉ b̶eese komera”?

Lucas 19:4

Maud̶eeba Jesús wãaruu naa pira wãped̶a sicomoro bakurud̶e ʉtʉ ichiad̶e wãsii, Jesús aria wãi basiid̶eeba.

Lucas 7:13

Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.