Lucas 17:30 - Emberá Chamí

³⁰ »Mʉ, chi Ẽbẽra Ba B̶uad̶a neei ewarid̶e ara mau kĩra makai.

Lucas 17:30 Iomraidhean Croise

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Mateo 24:37

Chi Ẽbẽra Ba B̶uad̶a neei, Noé ewarid̶e maka b̶uad̶a kĩra.

Mateo 24:39

Maarãba jãba neei ʉ̃rʉbena adua basii. Maamina biawãra neesiid̶e ãchi joma ãrea baniaba biusid̶au. Mau jãba maka need̶a kĩra mʉ, chi Ẽbẽra Ba B̶uad̶a neei.

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Marcos 13:26

»Mau ewarid̶e mʉ, chi Ẽbẽra Ba B̶uad̶a jʉ̃rʉarad̶e poyaabarii baraa neeruu maud̶e kĩrawãrea baraa neeruu unud̶ai.

Lucas 17:24

Bajãa puri chebibarii ʉ̃d̶aaruud̶e joma nau iujãa ʉ̃d̶aabarii. Ara mau kĩra mʉ, chi Ẽbẽra Ba B̶uad̶a neeruud̶e jomaurãba unud̶ai.

Lucas 17:29

Maamina Lot Sodomad̶ebena wãsiid̶e bajãad̶ebena tʉbʉ aoko kui kĩra neesii. Mauba chi ẽbẽrarã joma baa kenasii.

Lucas 21:22

Mau ewarid̶e Dachi Akõreba ichi puuru kastikai. Ichi kartad̶e b̶ʉped̶aad̶a joma makai.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

1 Corintios 1:7

Machiba Dachi Mechiu Jesucristo unud̶ai baita esed̶au panuumisa, Dachi Akõreba ichi Jaurid̶eeba dea b̶uu joma uru panuu.

1 Corintios 1:8

Maud̶eeba Dachi Akõreba machi meserãa dea ua b̶uai ab̶a nau ewari wãꞌãeruud̶aa. Maka Dachi Mechiu Jesucristo neeruud̶e machi ʉ̃rʉbena kachirua jarad̶ayuswãe nuread̶ai.

Colosenses 3:4

Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

2 Tesalonicenses 1:7

Maamina machi, chi biꞌiwãe panabiaped̶aad̶a kʉrrjĩrubiai dai kʉrrjĩrubiabarii kĩra. Mau makai Dachi Mechiu Jesús ichi angelerã chi poyaabadau ome tʉbʉchia aokod̶e bajãad̶ebena neeruud̶e. Maud̶e joma Dachi Akõred̶e ijãad̶akaurã maud̶e chi bed̶ea bia Dachi Mechiu Jesús ʉ̃rʉbena ijãad̶akaurã kastikai.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 1:7

mau biꞌiwãe panuud̶eeba unubid̶ai Jesucristod̶e biawãra ijãa panuu. Machiba ijãa panuu nee kĩra b̶uu. Nee wãsiaba dorrab̶aribibadau mau chi néeturu b̶eemera. Ara mau kĩra machi ãrea biꞌiwãe panuu jãadua panuud̶eeba unubi panuu Jesucristod̶e biawãra ijãa panuu. Mau ijãa panuu nee audeara biꞌia b̶uu nee wãꞌãebariid̶eeba. Machiba Jesucristod̶e biawãra ijãa panuu unubi panuud̶eeba, ichi unuuduud̶e Dachi Akõreba machi biꞌia unui, biꞌia jarai maud̶e chi mechiurã b̶ui.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.