Lucas 17:3 - Emberá Chamí

³ »Maud̶eeba kauwa panásturu. Bichi ãbaba bichi kachirua wauruubʉrã, mau kastikase. Mauba kachirua waud̶a ida b̶uuruubʉrã mau waud̶a perdonase.

Lucas 17:3 Iomraidhean Croise

Mateo 18:21

Maabae Jesús kaita neeped̶a Pedroba id̶isii: —Mʉ Mechiu, mʉ ãbaba mʉ kachirua wauruud̶e ¿sãabe b̶es perdonai b̶uma? ¿7 b̶es bia b̶uka?

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

Efesios 5:15

Maud̶eeba kauwa nibásturu. Adua nuree kĩra nibarã́sturu, maumaarã kʉ̃risia kuitaad̶eeba nibásturu.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

Santiago 5:19

Ãbarã, nau kuitásturu: chi biawãra bed̶ead̶ebena ab̶a ãyaa wãaruubʉrã, maud̶e ab̶auba ichimaa kachirua ida b̶ubiped̶a waya neebiiruubʉrã, mau ẽbẽraba kachirua ãrea wau b̶uad̶a Dachi Akõreba perdonaped̶a, ewaricha Dachi Akõre awara b̶uai bad̶ad̶ebena karibai.

2 Juan 1:8

Kauwa panásturu machi setaa kũruabiarãad̶amera. Maka machiba chi Dachi Akõre baita wau panuu ichiba deai bad̶a wãꞌãe bai, maumaarã joma adaud̶ai.