Lucas 17:21 - Emberá Chamí

²¹ Maud̶eeba poyaa jarad̶aabai: “Dachi Mechiu nama b̶uu” maebʉrã “jamaria b̶uu”. Maumaarã Dachi Akõre ẽbẽrarã sõd̶éburu chi jaradea ua b̶uabarii b̶eebarii.

Lucas 17:21 Iomraidhean Croise

Mateo 12:28

Maamina mʉʉba Dachi Akõre Jaurid̶eeba jai kachiruarã duabʉiruubʉrã, Dachi Akõreba unubiai b̶uu ichi neesii machi ichi juad̶e ua b̶uai baita.

Marcos 13:21

»Maud̶eeba ab̶auba machimaa jaraaruubʉrã, “Ichiásturu, Dachi Akõreba Dachi Karibabarii deai jarad̶a nama b̶uu”, mau ijãarã́sturu. Maud̶e “Ichiásturu, chawa b̶uu” aaruubʉrã mau ijãarã́sturu.

Lucas 17:23

Maud̶e waabenarãba jarad̶ai ichi nama b̶uu maebʉrã jamaria b̶uu. Maamina ichiad̶e wãrã́sturu. Maarã ome nibarã́sturu.

Lucas 21:8

Jesusba panausii: —Kauwa nureásturu ab̶au bid̶a setaa kũruarãad̶amera. Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Mau awara chi ewari araa bamaa b̶uu ad̶ai. Maamina maarã baara wãrã́sturu.

Juan 1:26

Juanba naka panausii: —Mʉʉba baniáburu boro eabarii. Maamina chi mʉare neei b̶uad̶a machi tãed̶e b̶umina machiba mau unud̶akau. Mau mʉ audeara chi mechiu niid̶eeba, mauba jʉ̃rʉd̶e jʉ̃barii enai baita mʉ biꞌiwãe b̶uu.

Juan 18:36

Jesusba panausii: —Mʉ ẽbẽrarã mʉ juad̶e ua b̶umina mʉ puuru nau iujãad̶ebenawãe. Nau iujãad̶ebena basirã mʉ ẽbẽrarã chĩod̶ai basii judiorãba mʉ jidaurãad̶amera. Maamina mʉ puuru nau iujãad̶ebenawãe.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.