Lucas 16:8 - Emberá Chamí

⁸ »Maud̶e chi chibariba jarasii mau chi nejarra nubarii kachirua nii chi kauwa ãrea b̶uasii, ichiba maka waud̶ad̶eeba. Biawãra Dachi Akõred̶erã ẽbẽrarã audeara nau iujãad̶ebenarãba ne adaud̶ai baita ãchi ab̶aarakaurã ome ãchi kuitaad̶eeba waubadau.

Lucas 16:8 Iomraidhean Croise

Mateo 12:32

Ab̶auba mʉ, chi Ẽbẽra Ba B̶uad̶a ʉ̃rʉbena kachirua berrearuubʉrã Dachi Akõreba mau perdonai. Maamina ab̶aba Dachi Akõre Jauri kachirua berrearuubʉrã, Dachi Akõreba mau perdonaabai. Nau ewarid̶e maebʉrã mau ewari neeruud̶e, mau kachirua berrea b̶uad̶a kakua perdonaabai.

Mateo 17:26

Pedroba panausii: —Ãibenarãba dead̶ai panuu. Jesusba ichimaa jarasii: —Maerã. Chi jaradea ua b̶uabarii ẽbẽrarãba dead̶akau.

Lucas 16:10

»Ab̶auba b̶aꞌãra uru b̶uu biꞌia waui kuitaa b̶uubʉrã, chi ãrea uru b̶uu sid̶a biꞌia waui kuitaa b̶uai. Maud̶e b̶aꞌãra uru b̶uu biꞌia waukaubʉrã, chi ãrea uru b̶uu sid̶a biꞌia waukau b̶uai.

Lucas 16:4

Mʉʉba kuitaa b̶uu saka waui mʉ wãi naed̶e. Makarã waabenarãba mʉ ãchi ded̶e biꞌia irsibid̶ai”.

Lucas 16:7

»Maabae waabenamaa id̶isii: “¿Bichiba sãabe deai b̶uma?” Mauba panausii: “Mʉʉba trigo 100 jab̶ara deai b̶uu”. Chi nejarra nubariiba jarasii: “Bichi kartad̶e b̶ʉ kub̶uu june awara b̶ʉse. B̶ʉse bichiba 80 deai b̶uu”.

Lucas 18:6

Maabae Dachi Mechiu Jesusba jarasii: «Kʉ̃risiásturu chi juez jipawãe niiba jarad̶a.

Lucas 20:34

Maud̶eeba Jesusba panausii: —Nau ewarid̶e wẽra miakãi adaubadau maud̶e chi akõrerãba chi warrarã deabadau miakãid̶amera.

Lucas 20:35

Maamina chi Dachi Akõreba jipa unu b̶uu ẽbẽrarã chokae jiradud̶ai. Mau ewarid̶e kima adaud̶aabai maud̶e ab̶au bid̶a wẽra dead̶aabai miakãimera, maumaarã Dachi Akõre angelerã kĩra nuread̶ai.

Juan 12:36

Ʉ̃d̶aa machi tãed̶e uru panuumisa mau ʉ̃d̶aad̶e ijã́sturu ẽbẽrarã ʉ̃d̶aad̶ebena nuread̶amera. Mau bed̶ea jarasiid̶e Jesús wãped̶a mirusii.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

1 Tesalonicenses 5:5

Joma machi ʉ̃d̶aad̶ebenarã maud̶e ãyadaabenarã. Dachi ẽsabud̶ebenawãema maud̶e pãriud̶ebenawãema.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.