Lucas 16:2 - Emberá Chamí

² Maud̶eeba chi chibariba ichi iuped̶a naka iadaasii: “Bichiba mʉ chi nejarra biꞌia nuwẽa b̶uu mʉʉba ũrisii. Bichiba waud̶a kartad̶e b̶ʉped̶a unubise, jãabae mʉ chi nejarra nubarii baabaid̶eeba”.

Lucas 16:2 Iomraidhean Croise

Mateo 12:36

Bichiba ne bia jaraaruubʉrã Dachi Akõreba bichi biꞌia nibabii. Maamina ne kachirua jaraaruubʉrã ichiba kastikai. Mʉʉba machimaa jaraaruu: Dachi Akõreba kastikai ewarid̶e jomaurãba ichimaa jarad̶ai ãchiba bed̶ea kachirua barikia jaraped̶aad̶a».

Mateo 20:8

»Kiumaa b̶uud̶e mau chibariba chi trajabadaurã jaradea ua b̶uabariimaa jarasii: “Chi trajabadaurã joma iukuase. Joma naa chi kaad̶e neeped̶aad̶amaa paakuase maabae mau joma chi naa daped̶e trajad̶e neeped̶aad̶arãmaa paakuase”.

Lucas 12:20

Maamina Dachi Akõreba ichimaa jarasii: “¡Bichi kʉ̃risia adua nii! Biawãra nau ẽsabud̶e bichi biui. Maabae bichiba pe nub̶ud̶a uru b̶uu ¿kai baita b̶eeima?”

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

Lucas 16:1

Jesusba ichi baara nibabadaurãmaa naka nebʉrʉsii jaradeai baita: «Ẽbẽra chi nejarra barau niiba chi nejarra nubarii uru b̶uasii. Maud̶e waabenarãba ichimaa jarasid̶au chi nejarra nubariiba mau barau nii chi nejarra biꞌia nuwẽa b̶uu.

Lucas 16:3

»Mau ũrisiid̶e chi nejarra nubariiba ara ichi du ab̶a jarasii: “Mʉ chibariba mʉ duabʉiruu. ¿Jãabae kãare sãaima? Mʉ kakua poyaara nii traju chaarea waui baita maud̶e kĩrakaya nii chi chuburia id̶i b̶uai baita.

Romanos 14:12

Maka dachicha wauped̶aad̶a Dachi Akõremaa joma jarad̶ai.

1 Corintios 1:11

Ãbarã, mʉʉba ũrisiid̶eeba maka jara b̶uu. Neekau Cloé ded̶ebenarãba mʉʉmaa jarasid̶au machi ijara berrea duanabadau.

1 Corintios 4:2

Biawãra chi chibari baita bari trajabariiba ichi jaradea ua b̶uabariiba waubi b̶uu joma jipa wau b̶uai b̶uu chi jaradea ua b̶uabariiba biꞌia unumera.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

1 Timoteo 5:24

Chi kachirua ichiai naed̶e, waabenarãba kachirua wau panuu dachiba biꞌia unubadau maamina waabenarãba kachirua wau panuu maad̶akare kuitaad̶ai.

1 Pedro 4:10

Dachi Akõreba ichi sõbiad̶eeba dachicha ichi Jauriba waubi b̶uu deasii, waabenarã aid̶ad̶amera. Dachi Akõre baita bari trajabadaurã biawãrad̶eeba ichiba machicha deasiid̶eeba waabena aid̶ásturu.

1 Pedro 4:5

Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.

Apocalipsis 20:12

Maud̶e mʉʉba unusii biuped̶aad̶arã chi mechiurã maud̶e chi kaebeurã Dachi Akõre rey ãkau daad̶e akʉ topanuu. Maud̶e chi b̶ee karta ewakuasii. Maabae june ab̶a karta ewasii. Mau kartad̶e ẽbẽrarã ewaricha chokae nuread̶ai trʉ̃ b̶ʉ kub̶uasii. Dachi Akõreba chi biuped̶aad̶arã joma ichiasii ãchiba wauped̶aad̶a kĩra, chi maarã kartad̶e b̶ʉ kub̶uad̶a kĩra.