Lucas 16:11 - Emberá Chamí

¹¹ Ara mau kĩra machiba nau iujãad̶ebena ne bia ome jipa waud̶awẽebʉrã ¿Dachi Akõreba bajãad̶ebena ne bia machimaa deaika?

Lucas 16:11 Iomraidhean Croise

Mateo 6:24

»Ab̶au bid̶a poyaa ichi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai.

Lucas 12:33

Maud̶eeba machiba uru panuud̶ebena nedobʉid̶aped̶a chi nejarr barauwãe nureerãmaa deásturu. Ne bia bajãad̶e uru panad̶ai baita jʉrʉ́sturu. Chi ne bajãad̶ebena wãꞌãekau. Ara simiaba sĩkau maud̶e nechirurã bid̶a poyaa chiruad̶akau.

Lucas 16:12

Maud̶e Dachi Akõreba nau druad̶e dead̶a machiba jipa waud̶awẽebʉrã ¿ichiba machimaa chi machid̶i deai b̶uka?

Lucas 16:9

Ara mau kĩra mʉʉba machimaa jaraaruu: nau iujãad̶ebena chi nejarraba ẽbẽrarã ãrea aid̶ásturu. Maka machi kõpaerorã ãrea uru panad̶ai. Maabae machi biuduud̶e bajãad̶e biꞌia irsibid̶ai.

Lucas 18:22

Mau ũriped̶a Jesusba ichimaa jarasii: —Wabid̶a bichiba ne kaebea ab̶a waui b̶uu: bichiba ne uru b̶uu joma nedobʉiped̶a chi nejarr barauwãe nureemaa dease. Maka bajãad̶e ne bia uru b̶uai. Maabae mʉ baara nibad̶e neese.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.