Lucas 15:5 - Emberá Chamí

^5-6 Unuuruud̶e ichi opeed̶ed̶e adauped̶a ãrea kĩrajʉʉ deed̶aa adooi. Maabae ichi chi kõpaerorã maud̶e ichi kaita panabadaurã iukuaped̶a jaraaruu: “Machi mʉ ome kĩrajʉ́sturu. Mʉ oeja barikiad̶e wãd̶a unusii”.

Lucas 15:5 Iomraidhean Croise

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Lucas 15:4

«Ab̶auba 100 oeja uru b̶uud̶ebena ab̶a barikiad̶e wãaruubʉrã ¿saka wauima? ¿Chi 99 chi duanabariimare duanuiped̶a chi barikiad̶e wãd̶a jʉrʉd̶e wãabaika unuuruud̶aa?

Lucas 19:9

Jesusba maumaa jarasii: —Id̶i Dachi Akõreba bichi maud̶e bichi ded̶ebena karibasii, Abrahamba ijãad̶a kĩra bichiba ijãa b̶uud̶eeba.

Lucas 23:43

Maud̶eeba Jesusba ichimaa jarasii: —Mʉʉba biawãra jaraaruu: Id̶i bichi mʉ ome bajãad̶e b̶uai.

Juan 15:11

»Joma mau mʉʉba jara b̶uu, machi mʉ baara ãrea kĩrajʉʉ nuread̶amera.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Efesios 3:7

Dachi Akõreba ichi sõbiad̶eeba mʉ ichi baita trajabarii b̶usii mau bed̶ea bia Cristo ʉ̃rʉbena jaradeamera. Ichi poyaabariid̶eeba maka wausii.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

2 Timoteo 2:26

Arakʉd̶e kʉ̃risiaduubʉrã jʉbawãe nii juad̶ebena wãd̶ai. Ʉ̃raud̶e jʉbawãe niiba jidau ua b̶uu ichiba kʉ̃ria b̶uu waud̶amera.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.