Lucas 15:28 - Emberá Chamí

²⁸ »Mau ũrisiid̶e kĩruped̶a deed̶aa wã kʉ̃riabasii. Maka b̶uud̶e chi akõre chi warrmaa wãped̶a chi chuburia id̶isii deed̶a wãmera.

Lucas 15:28 Iomraidhean Croise

Mateo 20:11

Maud̶eeba uva uu nub̶uu chibari ʉ̃rʉbena kachirua berrea duaneesid̶au.

Marcos 1:40

Maka b̶uud̶e ẽbẽra kakua chau nii Jesusmaa neesii. Mau ẽbẽra õdarrd̶e kob̶eeped̶a naka chi chuburia id̶isii: —Bichiba kʉ̃ria b̶uubʉrã, mʉ poyaa aribiabii.

Lucas 13:34

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Lucas 15:27

Ichi akõre baita bari trajabariiba jarasii: “Bichi akõreba paka warr chi aude borea nii beabisii bichi ãba waya biꞌia neesiid̶eeba”.

Lucas 15:29

Maud̶e chi warr dawarauba chi akõremaa jarasii: “Ewaricha mʉ bichi baita ãrea trajabarii. Bichiba jaraaruu joma wau b̶uabarii. Maamina bichiba cabra warr ab̶a bid̶a mʉʉmaa deakau mʉ kõpaerorã ome kĩrajʉʉ kod̶ai baita.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?

Lucas 7:39

Mau unusiid̶e Jesús iud̶a fariseoba naka kʉ̃risiasii: «Nau ẽbẽra biawãra Dachi Akõre baita berreabarii bad̶a basirã kuitaai basii kachirua waubarii wẽraba jãka wau b̶uu».

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Romanos 10:19

Mʉʉba waya id̶iiruu: ¿Judiorãba mau bed̶ea kuitaad̶aka baska? Maerã, kuitaasid̶au judiowãerãba kuitaaped̶aad̶a kĩra. Maud̶eeba Moisesba Dachi Akõred̶eeba judiorãmaa naa jarasii: «Chi mʉʉba jʉrʉ adaud̶awãe puuru kariba b̶uud̶eeba mʉʉba machimaa jiwaabiai mʉ kʉ̃riad̶amera. Chi kĩrabawẽa b̶uu puuru kariba b̶uud̶eeba mʉʉba machi kĩrubikabiai mʉ kʉ̃riad̶amera».

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.