Lucas 15:22 - Emberá Chamí

²² Maamina chi akõreba ichi baita bari trajabadaurãmaa jarasii: “Paru bia adaud̶aped̶a jãumaa jʉ̃bísturu. Ichi juad̶e sortija jʉ̃bísturu. Mau awara jʉ̃rʉd̶e jʉ̃badau sid̶a jʉ̃bísturu.

Lucas 15:22 Iomraidhean Croise

Lucas 15:21

Maud̶e chi warrba jarasii: “Chacha, biawãra mʉʉba Dachi Akõre daad̶e maud̶e bichi daad̶e kachirua wausii. Maud̶eeba biꞌiwãe b̶uu mʉ bichi warr ayu”.

Lucas 15:23

Maabae paka warr chi aude borea nii beásturu kod̶ai baita. ¡Kĩrajʉ́duru! Mʉ warr biu b̶uad̶a chokae jiradusii; barikiad̶e wã b̶uad̶a dachiba waya unusid̶au”. Maabae ãrea kĩrajʉʉ duaneesid̶au.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

Gálatas 3:27

Machi boro easid̶aud̶e Cristo kĩra paneesid̶au unubisid̶au.

Efesios 6:15

Chi bed̶ea bia Dachi Akõre ome biꞌia b̶uai ʉ̃rʉbena jarad̶e wãd̶ai baita nureásturu, kokoroaba chĩod̶e wãi baita ichi jʉ̃rʉd̶e jʉ̃barii kĩra.

Apocalipsis 19:8

Dachi Akõreba chi mau wẽra lino paru torroa ted̶echoa b̶uu jʉ̃bisii». (Mau paru lino waud̶aba jara b̶uu ẽbẽrarã Dachi Akõred̶erãba jipa waubadau).

Apocalipsis 2:17

Chi kʉʉrʉ bara niiba ũrise chi Dachi Akõre Jauriba ãbarãmaa jara b̶uu. Chi kachirua waui poyaad̶amaa mʉʉba chi maná mera b̶uad̶a deai komera maud̶e mokara torroa b̶uu sid̶a ab̶a deai. Mau mokara kaebe b̶uumaa trʉ̃ wid̶i b̶ʉ kub̶uu. Ab̶au bid̶a mau trʉ̃ adua b̶uu. Chi adaurúburu mau trʉ̃ kuitaai.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.

Apocalipsis 6:11

Dachi Akõreba ãchi ab̶aab̶aa paru torr dead̶akasii jʉ̃d̶amera. Maabae naka jarasii: «Apii esed̶au panad̶áusturu joma chi ẽbẽrarã beaduud̶aa joma bichi ãbarã Cristoba pekuad̶a machi beaped̶aad̶a kĩra».

Apocalipsis 7:9

Mau maad̶akare Dachi Akõreba waya mʉʉmaa ẽbẽrarã ãrea unubisii. Ab̶au bid̶a maarã poyaa juasiibasii. Druachad̶ebena, puuruchad̶ebena ẽbẽrarã didiwaraacha jomad̶ebena maud̶e bed̶ea didiwaraacha jomad̶ebena chi nuree ab̶aab̶aa duanasii. Joma paru torroa jʉ̃ duanasii maud̶e kĩrajʉʉ duanasiid̶eeba ãchi juad̶e meme kiruu uru panasid̶au. Dachi Akõre rey ãkau daad̶e maud̶e chi Oeja Kaebe Nii daad̶e b̶ari topanasid̶au.