Lucas 15:15 - Emberá Chamí

¹⁵ Maud̶eeba ichi mau druad̶ebena ẽbẽramaa traju jʉrʉd̶e wãsii. Mauba sina ichimaa nubisii.

Lucas 15:15 Iomraidhean Croise

Mateo 7:6

»Dachi Akõre baita b̶uu usarãmaa dearã́sturu ara machi kaabiabayua. Machi perla chi nejarr ãrea id̶ibadau sinamaa dearã́sturu ʉ̃rʉ tʉarãad̶amera.

Lucas 15:13

Kãꞌãabariwãed̶e chi kaad̶ebenaba adaud̶a joma nedobʉiped̶a kaitawẽ ãrea wãsii junebena druad̶aa. Aria ne joma kachirua wau b̶eesii chi nejarra wãꞌãeruud̶aa.

Lucas 15:14

»Joma wãꞌãesiid̶e mau druad̶e jarrba ãrea wau b̶uasii. Maud̶eeba chi warr ãrea jarrbaa b̶uabachii.

Lucas 15:16

Ãrea jarrbaa b̶uud̶eeba sinaba ko panuud̶ebena ichia bid̶a ko kʉ̃ria b̶uabachii. Maamina ab̶au bid̶a koi deaka basii.

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.