Lucas 13:24 - Emberá Chamí

²⁴ —Machi dauchia jãadua panásturu chi poraa pĩchua b̶uud̶e wãd̶ai baita. Biawãra ed̶a wãd̶ai baita ãrea duanuu maamina poyaa joma wãd̶aabai.

Lucas 13:24 Iomraidhean Croise

Mateo 11:12

Juan chi Boro Eabariiba jaradead̶ad̶eed̶ebena id̶iid̶aa Bajãad̶e B̶uuba ichid̶irã ichi juad̶e ua b̶uu, maarã ãrea biꞌiwãe panuu. Ẽbẽrarã kachiruarãba ãchi kachirua ãrea wau kʉ̃ria panuu.

Lucas 13:23

Maud̶e ab̶auba ichimaa id̶isii: —Mʉ Mechiu, ¿Dachi Akõreba ẽbẽrarã b̶aꞌãra karibabaaka? Jesusba panausii:

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Juan 13:33

Machi mʉ warrarãd̶eeba mʉʉba jaraaruu: mʉ machi baara kãꞌãa b̶uabai. Mʉʉba judiorã mechiurãmaa jarad̶a kĩra jãabae anakʉd̶e machimaa jaraaruu: machiba mʉ jʉrʉd̶ai, maamina mʉ wãaruumaa poyaa wãd̶aabai.

Juan 5:4

B̶esed̶e Dachi Mechiu angelba mau bania miipa neebachii. Makaaruud̶e chi naa mau baniad̶e ed̶a wãaruu chi ẽpermo b̶uad̶a aribiabachii.]

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Juan 7:34

Machiba mʉ jʉrʉd̶ai maamina unud̶aabai. Mʉ wãaruumaa machi poyaa wãd̶aabai.

Juan 8:21

Maabae Jesusba jarasii: —Mʉ wãaruu. Wãd̶akare machiba mʉ jʉrʉd̶ai maamina unud̶aabai. Machiba mʉʉd̶e ijãad̶akaud̶eeba kachiruad̶e biud̶ai. Mʉ wãaruumaa machi poyaa wãd̶aabai.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

Hebreos 4:11

Maud̶eeba dachiba aude jʉrʉd̶ai panuu Dachi Akõreba kʉrrjĩrubiaimaa wãd̶ai baita. Makarã ab̶a bid̶a b̶aebai chi nabẽrarã ijãaped̶aad̶a b̶aeped̶aad̶a kĩra.

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.