Lucas 13:19 - Emberá Chamí

¹⁹ Mostaza taa kĩra b̶uu. Ẽbẽraba mau taa ichi druad̶e uusii. Tonoped̶a warisii ab̶a bakuru mechiu nub̶eeruud̶aa. Maud̶eeba ibana chi bakuru juad̶e de waukuad̶e neesid̶au».

Lucas 13:19 Iomraidhean Croise

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Marcos 4:30

Maud̶e Jesusba jarasii: «Dachi Akõreba ichid̶irã ichi juad̶e ua b̶uu ¿kãare kĩra b̶uma? ¿Kãare nebʉrʉʉruuba mʉʉba kuitaa jaraima?

Lucas 17:6

Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 21:20

Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 4:4

Maamina chi Pedroba jaradea b̶uad̶a ũri panad̶a ãreaba Jesusd̶e ijãasid̶au. Chi maarã mukĩrarã 5.000 basii.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».