Lucas 12:52 - Emberá Chamí

⁵² Id̶iid̶eeba arab̶au ded̶ebenarã mʉ baita chi kĩramaa duanad̶ai. Ẽbẽrarã jua ab̶a panuud̶e omed̶ebena waabena õbea panuu ome chi kĩramaa duanad̶ai.

Lucas 12:52 Iomraidhean Croise

Lucas 12:51

¿Mʉʉba ẽbẽrarã ãbua jirukaraayuwãe b̶uai baita neesii kʉ̃risia panuka? Mʉʉba jaraaruu mau baita neewẽa b̶uu, maumaarã nee b̶uu ẽbẽrarã ãbua panarãad̶amera.

Lucas 12:53

Chi akõre chi warr ome chi kĩramaa duanad̶ai. Chi warr chi akõre ome chi kĩramaa duanad̶ai. Chi nawe chi kau ome chi kĩramaa duanad̶ai, chi kau chi nawe ome chi kĩramaa duanad̶ai. Chi pakõre chi ãyu ome chi kĩramaa duanad̶ai. Maud̶e chi ãyu chi pakõre ome chi kĩramaa duanad̶ai.

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 9:16

Chi nureerã fariseorãba jarasid̶au: «Mau mukĩra Dachi Akõred̶ebena need̶awãe b̶uu, bari panabadau ewari wapeakaud̶eeba». Maamina waabenarãba jarasid̶au: «¿Saka kachirua waubarii mukĩraba mau ẽbẽrarãba ne poyaa waud̶akau poyaa wausma?» Maka chiya ãyaa jarasid̶au.

Hechos 28:24

Pabloba jarad̶a chi nureeba ijãasid̶au, maamina waabenarãba ijãad̶aabasii.