Lucas 12:4 - Emberá Chamí

⁴ »Mʉ kõpaerorã, mʉʉba machimaa jaraaruu: nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba.

Lucas 12:4 Iomraidhean Croise

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Juan 15:13

Ẽbẽra ichi kõpaero karibai baita biuruubʉrã, ab̶au bid̶a mau audeara poyaa kʉ̃ria b̶uabai.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Filipenses 1:28

Machi kĩramaabadau ab̶a bid̶a wapearã́sturu. Mauba kuitaabii Dachi Akõreba ãchi baribai, maamina machi karibai. Mau Dachi Akõreba joma wau b̶uu.

Santiago 2:23

Abrahamba waud̶aba kuitaabi b̶uu Dachi Akõre bed̶ead̶e b̶ʉ kub̶uu biawãrabʉ. Naka b̶ʉ kub̶uu: «Abrahamba Dachi Akõred̶e ijãasii. Maud̶eeba Dachi Akõreba mau nebʉraswãe nii unusii». Maud̶e Abraham Dachi Akõre ome kõpaero abachid̶au.

1 Pedro 3:14

Maamina biꞌia wau panuud̶eeba ãrea biꞌiwãe duanuubʉrã, Dachi Akõre daad̶e ãrea biꞌia nuread̶ai. Maud̶eeba chi machi kachirua wauduu wapearã́sturu. Ãrea jirukaraarã́sturu.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.