Lucas 12:21 - Emberá Chamí

²¹ »Ab̶auba nau iujãad̶ebena audeara adooi kʉ̃risia b̶uubʉrã maamina Dachi Akõre ʉ̃rʉbena kʉ̃risiaswãe b̶uubʉrã, mau kĩra makai».

Lucas 12:21 Iomraidhean Croise

Lucas 12:33

Maud̶eeba machiba uru panuud̶ebena nedobʉid̶aped̶a chi nejarr barauwãe nureerãmaa deásturu. Ne bia bajãad̶e uru panad̶ai baita jʉrʉ́sturu. Chi ne bajãad̶ebena wãꞌãekau. Ara simiaba sĩkau maud̶e nechirurã bid̶a poyaa chiruad̶akau.

Lucas 16:11

Ara mau kĩra machiba nau iujãad̶ebena ne bia ome jipa waud̶awẽebʉrã ¿Dachi Akõreba bajãad̶ebena ne bia machimaa deaika?

Lucas 6:24

“Maamina miichuburi panad̶ai machi chi nejarra ãrea bara nuree; nau ewarid̶éburu kĩrajʉʉ panad̶ai b̶uud̶eeba.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

1 Timoteo 6:9

Maamina barau nuread̶ai kʉ̃ria panuuba ne joma kʉ̃ria panuud̶eeba kachiruad̶e b̶aebadau. Chi dachi aid̶akau maud̶e dachi kachirua wau b̶uu kʉ̃ria panuud̶eeba kachiruad̶e paneebadau ãnimara enabed̶e b̶aed̶a kĩra. Mau ãrea miichuburi paneebadau, doed̶a taawãaruu kĩra.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.