Lucas 11:8 - Emberá Chamí

⁸ Mʉʉba jaraaruu: jãu ẽbẽra jiraduubai, pan deai baita bichi kõpaerod̶eeba, maamina jiradui bichiba akabichia id̶i b̶uud̶eeba. Maabae deai joma chi deai b̶uu.

Lucas 11:8 Iomraidhean Croise

Lucas 11:7

Maud̶e chi ed̶a b̶uuba naka panaui: “Kõpaero, mʉ apii b̶use. Mʉ de poraa jʉ̃a nub̶uu. Mʉ warrarã mʉ baara kãi duanuu. Maud̶eeba mʉ jiradui poyaabai b̶uu bichi ne deai baita”.

Romanos 15:30

Ãbarã, Dachi Akõre Jaurid̶eeba dachi chiya kʉ̃ria panuu. Maud̶eeba Dachi Mechiu Jesucristod̶eeba mʉʉba machimaa chi chuburia id̶iiruu mʉ aid̶ad̶ai Dachi Akõremaa ʉtaa id̶id̶amera.

2 Corintios 12:8

Mʉʉba b̶es õbea Dachi Mechiumaa chi chuburia id̶isii mau puꞌua wãꞌãebimera.

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.