Lucas 11:39 - Emberá Chamí

³⁹ Maud̶e Dachi Mechiuba ichimaa jarasii: —Machi fariseorãba basu maud̶e paratu chi ʉ̃rʉbena biꞌia jeraabadau, maamina machi sõd̶e ne joma kʉ̃riabadau maud̶e kachirua sid̶a kʉ̃risiabadau.

Lucas 11:39 Iomraidhean Croise

Mateo 15:19

Ẽbẽra sõd̶ebena nakʉ kʉ̃risia kachirua awara wãbarii: mia beayu; ab̶a miakãid̶a junebena ome kãi nub̶eeyu; waabenarã ome ne kachirua wauyu; chiruayu; setaa jarayu; ab̶au ʉ̃rʉbena miadaa berreayu; makʉ kʉ̃risia.

Mateo 7:15

»Kauwa panásturu. Waabenarãba setad̶eeba Dachi Akõre baita berreabadau abadau. Ãchiba biawãra kĩra jaradeabadau maamina maka panuu ẽbẽrarãba Dachi Akõre bed̶ea ida b̶ud̶amera.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Lucas 7:13

Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Gálatas 1:14

Judiorãba jaradeabadau mʉʉba biꞌia kuitaaruu basii mʉ ab̶aarakaurã audeara, dai nabẽraed̶ebenarãba waubachid̶au mʉʉba ãrea waubachiid̶eeba.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

Tito 1:15

Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!