Lucas 11:34 - Emberá Chamí

³⁴ Bichi dau ʉ̃d̶aa koabarii kĩra nii. Maud̶eeba bichi dau biꞌia niibʉrã, ʉ̃d̶aad̶e nibai. Maamina bichi dau biꞌiwãe niibʉrã, pãriud̶e nibai.

Lucas 11:34 Iomraidhean Croise

Marcos 4:12

“ãchiba ichia panumina unurãad̶amera, maud̶e ũri panumina kauwa ũrirãad̶amera. Maka nuread̶aabasirã Dachi Akõremaa need̶aped̶a ãchiba kachirua waubadau perdonai basii”».

Marcos 8:18

¿Machi dau bara nuremina unud̶akama? ¿Kʉʉrʉ bara nuremina ũrid̶akama? Mʉʉba waud̶a ¿kĩrabad̶awẽka?

Lucas 11:35

Maud̶eeba ãrea kauwa b̶uase. Bichiba ʉ̃d̶aa kĩra kʉ̃risia b̶uu mau pãriud̶e kĩra b̶uarãamera.

Hechos 13:11

Jãabae dai Mechiuba ichi poyaad̶eeba bichi nebʉra kastikai. Bichi dau pãriu b̶eei. Ewari ãrea b̶uai ʉmada unuwẽa b̶ee. Ara makʉd̶e Elimas dau pãriusii maabae ichi juad̶e erta inibad̶ai jʉrʉ kob̶eesii.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Efesios 6:5

Chibari baita bari trajabadaurã, machi chi nau iujãad̶ebena chibari wapea panuud̶eeba, ichiba jaraaruu machi sõd̶eeba joma wáusturu Cristo bed̶ea ijãa panuu kĩra.

Colosenses 3:22

Chi chibari baita bari trajabadaurã, machi jaradea ua b̶uabarii nau iujãad̶ebenarãba waubiiruu joma wáusturu. Maamina ichiba ichia b̶uud̶éburu waurã́sturu, ichi ome biꞌia nuread̶ai baita. Maumaarã Dachi Akõre wapea panuud̶eeba sõbiad̶eeba joma wáusturu.