Lucas 11:16 - Emberá Chamí

¹⁶ Maud̶e Jesús Dachi Akõred̶ebena nee b̶uu kuitaad̶ai baita waabenarãba ichimaa id̶isid̶au ẽbẽrarãba ne poyaa waud̶akau waumera.

Lucas 11:16 Iomraidhean Croise

Lucas 11:29

Ẽbẽrarã ãrea ichimaa needuu unusiid̶e Jesusba jarasii: «Machi id̶ibaebena kachiruarã nuree. Machiba mʉ bajãad̶ebena nee b̶uu kuitaad̶ai baita kʉ̃ria panuu mʉʉba ẽbẽrarãba ne poyaa waud̶akau waui. Maamina mʉʉba ẽbẽrarãba ne poyaa waud̶akau waubai. Machiba ab̶aburu Jonasba makad̶a kĩra unud̶ai.

Juan 6:30

Maud̶eeba ãchiba Jesusmaa id̶isid̶au: —¿Bichiba daimaa kãare unubiaima bichi bed̶ea ijãad̶amera? Dachi nabẽrarãba drua sirua wãꞌãe b̶uud̶e maná kosid̶au. Dachi Akõre bed̶ead̶e jara b̶uu: “Ichiba bajãad̶ebena pan deasii ãchiba kod̶amera”. ¿Bichiba kãare sãaima?

Juan 8:6

Ãchiba maka id̶isid̶au Jesusmaa kachirua berreabid̶ai baita, mauba ichi jidead̶ayua. Maud̶e Jesús ed̶aa sinib̶arikau kob̶eeped̶a ichi jua jimid̶iba iorod̶e b̶ʉ kob̶eesii.

1 Corintios 1:22

Chi judiorãba, Cristod̶e ijãad̶ai baita, ẽbẽrarãba ne poyaa waud̶akau unu kʉ̃riabadau. Chi judiowãerãba nau iujãad̶ebena kʉ̃risia kuitaa jʉrʉbadau.