Lucas 11:15 - Emberá Chamí

¹⁵ Maamina waabenarãba jarasid̶au: «Jãu Jesusba jai kachirua duabʉibarii, jai kachiruarã karr Beelzebuba mau poyaabarii deasiid̶eeba».

Lucas 11:15 Iomraidhean Croise

Mateo 12:22

Maabae ẽbẽra jai kachirua bara nii Jesusmaa eneesid̶au. Mau ẽbẽra dau pãriu b̶uasii maud̶e bosara b̶uasii. Jesusba ichi aribiabisii berreamera maud̶e unu nibad̶eamera.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 9:34

Maamina fariseorãba jara duanasid̶au: —Jãu Jesusba jai kachirua duabʉibarii, jai kachiruarã karrba mau poyaabarii deasiid̶eeba.

Juan 10:20

Ãreaba jarasid̶au: «Jãu ẽbẽraba jai kachirua uru b̶uu. Jãu kĩrawãe b̶uu. ¿Sakãe jãu bed̶ea ũrid̶aima?»

Juan 7:20

Maud̶e ẽbẽrarãba id̶isid̶au: —¿Kaiba bichi bea kʉ̃ria b̶uma? ¿Jai kachirua bichi kakuad̶e b̶uuba maka kʉ̃risiabi b̶uka?

Juan 8:48

Maabae judiorãba Jesusmaa jarasid̶au: —¿Bichi Samariad̶ebenawãeka maud̶e jai kachirua uru b̶uu? ¿Daiba arakʉd̶e jarad̶awẽa panuka?

Juan 8:52

Maud̶e judiorãba Jesusmaa jarasid̶au: —Jãabáeburu daiba kuitaaduu bichiba jai kachirua bichi kakuad̶e uru b̶uu. Abraham biusii. Joma Dachi Akõre baita berreabadaurã sid̶a biusid̶au, maamina bichiba jara b̶uu: “Chi mʉ bed̶ea ijãa nii biukaraa nibai”.