Lucas 10:36 - Emberá Chamí

³⁶ Maka nebʉrʉped̶a Jesusba id̶isii: —Ẽbẽra õbearãba unusid̶au chi nechirurãba sĩped̶aad̶a. Bichimaarã, ¿sãu chi kõpaero kĩra nii unubisma?

Lucas 10:36 Iomraidhean Croise

Mateo 17:25

Pedroba panausii: —Maerã, deabarii. Pedro ichi ded̶e ed̶a wãsiid̶e Jesús naa berreasii. Naka id̶isii: —Bichiba ¿saka kʉ̃risia b̶uma, Simón? ¿Kairãba chi nejarra nau druad̶e nuree reyrãmaa dead̶ai panuma? ¿Ara ãchi ab̶aarakaurãba maebʉrã ãibenarãba dead̶ai panuka?

Mateo 22:42

—Machimaarã, Dachi Akõreba Dachi Karibabarii deai jarad̶a ¿kai warrma? Ãchiba panausid̶au: —Davidd̶ebʉ.

Lucas 10:35

»Norema Samariad̶ebenaba chi de chibarimaa chi nejarra deaped̶a naka jarasii: “Nau aid̶ase. Nau chi nejarra mʉʉba dearuuba ara b̶uuwãebʉrã, bichi chi nejarraba aid̶ase. Mʉ waya neeruud̶e bichi chi nejarraba aid̶ad̶a mʉʉba joma deai”».

Lucas 10:37

Maud̶e chi Moisesba b̶ʉd̶a jaradeabariiba panausii: —Chi kĩra chuburiad̶aba. Jesusba maumaa jarasii: —Ara mau kĩra waabenarã kʉ̃riáse.

Lucas 7:42

Maamina ãchiba poyaa dead̶aabasii kuitaasiid̶eeba, chi nejarra barau nii ẽbẽraba ãchiba dead̶ai panuu ida b̶usii. Mʉʉba bichimaa id̶iiruu: ¿Sãuba chi ẽbẽra chi nejarra dead̶aubarii aude kʉ̃riai b̶uma?