Lucas 10:28 - Emberá Chamí

²⁸ Maud̶e Jesusba jarasii: —Bichiba ara panausii. Bichiba maka wauruubʉrã ewaricha Dachi Akõre ome chokae b̶uai.

Lucas 10:28 Iomraidhean Croise

Mateo 19:17

Jesusba panausii: —¿Sakãe mʉʉmaa ne bia ʉ̃rʉbena id̶i b̶uma? Ab̶aburu Dachi Akõréturu biꞌia nii. Bichi Dachi Akõre ome ewaricha chokae b̶uai kʉ̃ria b̶uubʉrã, ichiba waubi b̶uu bed̶ea wause.

Marcos 12:34

Moisesba b̶ʉd̶a jaradeabariiba mau kʉ̃risia kuitaad̶eeba jarasiid̶eeba Jesusba jarasii: —Bichi Dachi Akõreba ichid̶irã ichi juad̶e ua panuu kaita b̶uu. Makaed̶ebena ab̶auba Jesusmaa waya id̶id̶ai kʉ̃riad̶aabasii.

Lucas 7:43

Simonba panausii: —Mʉa kʉ̃risia b̶uu chi aude deai b̶uad̶aba aude biꞌia kʉ̃riai. Jesusba jarasii: —Bichiba arakʉd̶e panausii.

Romanos 10:4

Maamina maka nuread̶ai baita, ãchi ley waubachid̶au audeara, Cristoba joma wausii. Chi Cristod̶e ijãaduu Dachi Akõreba jipa nuree unubarii.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Romanos 7:10

Mau Moisesba b̶ʉd̶a wau b̶uud̶eeba mʉ Dachi Akõre ome chokae b̶uai b̶uasii. Maamina waukaud̶eeba Moisesba b̶ʉd̶aba kuitaabisii mʉ biui b̶uu.

Gálatas 3:12

Maamina chi Dachi Akõred̶e ijãa b̶uu chi Moisesba b̶ʉd̶a waui b̶uu audeara ãyaa b̶uu. Maumaarã ichi ʉ̃rʉbena naka b̶ʉ kub̶uu: «Chi Moisesba b̶ʉd̶a wau b̶uu, mauba nibai».