Lucas 1:79 - Emberá Chamí

⁷⁹ Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Lucas 1:79 Iomraidhean Croise

Mateo 4:16

Machi pãriud̶e duanasid̶au Dachi Akõre adua panad̶ad̶eeba. Maamina id̶i ʉ̃d̶aad̶e panuu Dachi Akõre ʉ̃rʉbena kuitaa panuud̶eeba. Machi chokae panumina biud̶a kĩra duanabachid̶au. Maamina id̶i ʉmada ʉ̃d̶aa neeruu kĩra Dachi Akõre biawãra ichi ʉ̃rʉbena machimaa kuitaabia b̶uu».

Lucas 2:32

Ichi ʉ̃d̶aa kĩra b̶uai judiowãe nureerãba bichi ʉ̃rʉbena kuitaad̶amera. Ichi kakua bichi puuru Israel baita chi bia jarad̶ai».

Juan 1:9

Chi nau iujãad̶e neei b̶uad̶a mau biawãra ʉ̃d̶aabʉ. Mau jomaurã baita koabarii.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 9:5

Maamina nau iujãad̶e b̶uud̶e mʉ ẽbẽrarã baita ʉ̃d̶aa kĩra nii mʉ Chacha ʉ̃rʉbena kuitaabiai baita.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Romanos 3:17

Waabenarã ome jirukaraayuwãe duanad̶ai adua panuu.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.