Lucas 1:2 - Emberá Chamí

² Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Lucas 1:2 Iomraidhean Croise

Marcos 1:1

Nau chi bed̶ea bia Dachi Akõre Warr Jesucristo ʉ̃rʉbena b̶ʉʉruu. Naed̶e Dachi Akõre baita berreabarii Isaiasba naka b̶ʉsii: «Chi mʉ baita bed̶ea jarabarii mʉʉba bichi naa bʉii bichi o jaremera.

Marcos 16:20

Maabae chi Jesús baara nibabadaurãba ichi bed̶ea ãchi wãaduumaacha jarasid̶au. Dachi Mechiuba ãchi aid̶abachii. Ẽbẽrarãba poyaa ne waud̶akau waubi b̶uud̶eeba kuitaabiabachii ãchiba jara panuu biawãra b̶uu.

Marcos 4:14

Ũrísturu. Netaa pobarii Dachi Akõre bed̶ea jarabarii kĩra nii.

Lucas 24:48

Ara machi dauba mʉ makad̶a joma unusid̶au.

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Juan 16:4

Maamina mʉʉba joma mau machimaa jarakuaruu, mau ewari neeruud̶e mʉʉba jarad̶a kĩrabad̶aped̶a perawẽa nuread̶amera. »Mʉʉba naed̶e machimaa mau jaraabasii, machi baara b̶uasiid̶eeba.

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 14:25

Dachi Akõre bed̶ea Perge puurud̶e jaradead̶aped̶a Atalía puurud̶aa wãsid̶au.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:11

Berea puurud̶ebena judiorã Tesalónica puurud̶ebenarã kĩra panad̶aabasii. Maumaarã Jesús ʉ̃rʉbena ũri kʉ̃ria panasid̶au. Ewaricha Dachi Akõre bed̶ea ãrea kauwa ichiabachid̶au chi ãchiba jara panuu biawãra kuitaad̶ai baita.

Hechos 26:16

Maamina jiraduse. Ara mʉ bichimaa unubisii mʉ baita bari trajabarii b̶uamera. Bichiba unud̶a maud̶e mʉʉba unubiiruu berreai b̶uu.

Hechos 4:20

Chi daiba unuped̶aad̶a maud̶e ũriped̶aad̶a jarad̶ai poyaa ida b̶ud̶aabai.

Hechos 8:4

Maamina Jerusalend̶ebena miru wãped̶aad̶aba ãchi wãaduucha chi bed̶ea bia Jesús ʉ̃rʉbena jarabachid̶au.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

1 Corintios 4:1

Maka machiba kʉ̃risiad̶ai panuu dai Cristo baita bari trajabadaurã. Dachi Akõreba dai b̶usii chi ichi ʉ̃rʉbena naed̶e kuitaabiawẽa b̶uad̶a jaradead̶amera.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.