Juan 9:39 - Emberá Chamí

³⁹ Maud̶e Jesusba jarasii: —Mʉ nau iujãad̶aa neesii ẽbẽrarã nebʉra dauchaai baita. Maka chi dau pãriu nuree kĩra nureeba unud̶ai maud̶e chi unu panuu a panuu dau pãriu nuree kĩra paneed̶ai.

Juan 9:39 Iomraidhean Croise

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 6:23

Maamina bichi dau kachirua niibʉrã, kachiruad̶e unuwẽa nibai. Ara mau kĩra bichiba kachirua wauruubʉrã, bichiba ne biꞌia waui kʉ̃risia b̶umina, maamina biawãra pãriud̶e nii.

Lucas 1:79

Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Lucas 13:30

Ara mau kĩra chi kaad̶eare nuree naa panad̶ai, maud̶e chi naa nuree kaad̶eare panad̶ai.

Lucas 2:34

Maud̶e Simeonba ãchimaa biꞌia jaraped̶a Mariamaa naka jarasii: —Dachi Akõreba nau warr deasii israeld̶ebenarã ãrea biꞌia b̶umera maud̶e ãrea biꞌiwãe b̶umera. Kuitaabiai ichi Dachi Akõred̶ebena nee b̶uu, maamina ichi ʉ̃rʉbena kachirua jarad̶ai.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Lucas 7:21

Ara mau ewarid̶e Jesusba chi ẽpermo nuree, chi jai kachirua bara nuree maud̶e chi dau pãriu nuree ãrea aribiabiasii.

Juan 12:31

Jãabae Dachi Akõreba kuitaabiaruu nau iujãad̶ebenarãba kachirua wau panabadau. Jãabae Dachi Akõreba poyaa duabʉiruu chi nau iujãad̶ebenarã rey, chi jʉbawãe nii.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 3:17

Dachi Akõreba ichi Warr nau iujãad̶aa bʉibasii ẽbẽrarã kastikamera maumaarã bʉisii karibakuamera.

Juan 3:19

»Dachi Akõreba nau iujãad̶ebenarã kastikabarii nau kakua: chi ʉ̃d̶aa nii nau iujãad̶aa neesii jomaurãba Dachi Akõre unud̶amera. Maamina ẽbẽrarãba kachirua waubadaud̶eeba pãriu ãrea kʉ̃riasid̶au.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 8:15

Machiba nau iujãad̶ebena kʉ̃risiad̶eeba mʉ ichia panuu. Mʉʉba ab̶aumaa bid̶a maka ichiakau.

Juan 9:25

Chi dau pãriu b̶uad̶aba jarasii: —Mʉʉba adua b̶uu mauba kachirua waubarii maebʉrã waukau. Ab̶aburu kuitaa b̶uu mʉ dau pãriu b̶uasii maamina jãabae unu b̶uu.

2 Corintios 2:16

Chi karibaabai nureemaarã, mau kera ẽbẽra biud̶a mikia kĩra b̶uu, Jesusd̶e ijãad̶awẽa panuud̶eeba biud̶aid̶eeba. Maamina chi karibai nureemaarã, mau kera ãrea tuwaa b̶uu, ewaricha chokae panad̶aid̶eeba. Maka ¿kaiba ara ichi meserãad̶eeba Dachi Akõre bed̶ea poyaa jaradeaima?

Efesios 5:14

ʉ̃d̶aad̶e ne joma unubadaud̶eeba. Mau baita naka jarabadau: «Ʉ̃rʉmase bichi kãi b̶uu. Kachiruad̶e biu b̶uad̶a jiraduse. Maabae Cristoba bichi ʉ̃d̶aad̶e b̶ui».

2 Tesalonicenses 2:10

Ne barikiu kachirua wau b̶uud̶eeba ẽbẽrarã tʉbʉ aokod̶e ãrea biꞌiwãe panad̶ai panuu, mauba setaa kũrai. Ãchiba chi biawãra bed̶ea kʉ̃riad̶akaud̶eeba Dachi Akõreba karibaabai.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Juan 2:11

Maamina chi ichi ãba kĩramaa b̶uu pãriud̶e b̶uu. Pãriud̶e niid̶eeba adua b̶uu samaa wãi, pãriuba ichi dau berrea b̶uud̶eeba.