Juan 8:54 - Emberá Chamí

⁵⁴ Jesusba panausii: —Ara mʉ ʉ̃rʉbena biꞌia kʉ̃risiaruubʉrã mauba jarawẽa b̶uu mʉ biꞌia nii. Maamina mʉ Chachaba mʉ ʉ̃rʉbena biꞌia berrea b̶uu. Machiba ichi “Dachi Akõre” a panuu.

Juan 8:54 Iomraidhean Croise

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

Juan 17:5

Maud̶eeba Chacha, mʉ bichi daad̶e chi mechiu b̶use bichi ome nau iujãad̶e waui naed̶e maka nibad̶a kĩra.

Juan 2:11

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.

Juan 5:41

»Mʉʉba jʉrʉwẽa b̶uu machiba mʉ biꞌia unud̶amera.

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

Juan 7:39

Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

Juan 8:41

Machiba machi akõreba waubarii kĩra waubadau. Maud̶e ãchiba jarasid̶au: —¡Maamina dai wẽra aud̶uabariiba adaud̶awãe! Daiba Chacha ab̶aburu inid̶au. Mau Dachi Akõrebʉ.

Juan 8:50

Mʉʉba jʉrʉkau ẽbẽrarãba mʉ ʉ̃rʉbena biꞌia berread̶amera. Maamina ab̶a barau, mau jʉrʉi baita. Ichiaburu ẽbẽrarã dauchaabarii.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

2 Corintios 10:18

Ab̶auba ara ichi ʉ̃rʉbena biꞌia jaraaruubʉrã, mauba jara b̶uuwãe Dachi Mechiuba mau ẽbẽra biꞌia unu b̶uu. Maumaarã chi Dachi Mechiuba biꞌia jara b̶uu ẽbẽra biꞌia unu b̶uu.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

2 Pedro 1:17

Dachi Bajãad̶ebena Akõreba ichi ʉ̃rʉbena biꞌia jarasiid̶e maud̶e chi mechiu nii unubiasiid̶e dai aria panasid̶au. Dachi Akõre chi mechiu ãrea kĩrawãrea niiba naka jarasii: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».