Juan 8:47 - Emberá Chamí

⁴⁷ Chi Dachi Akõred̶e ijãa b̶uuba ichi bed̶ea ũribarii maamina machi Dachi Akõre warrarãwãed̶eeba ichi bed̶ead̶e jara b̶uu kĩra waud̶akau.

Juan 8:47 Iomraidhean Croise

Juan 12:48

Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Juan 6:65

Maud̶e Jesusba jarasii: —Maud̶eeba mʉʉba jarasii: mʉ Chachaba ẽbẽra mʉʉmaa eneewẽebʉrã, mau ẽbẽraba poyaa mʉʉd̶e ijãabai.

Juan 8:37

Mʉʉba kuitaa b̶uu machi Abrahamd̶ebena imiped̶aad̶a, maamina mʉ bea kʉ̃ria panuu mʉ bed̶ea ijãad̶awẽa panuud̶eeba.

Juan 8:43

Mʉʉba jara b̶uu ¿sakãe machiba kauwa ʉ̃rid̶awẽa panuma? Machiba kauwa ʉ̃rid̶awẽa panuu, mʉ bed̶ea ũrid̶ai kʉ̃riad̶akaud̶eeba.

Juan 8:45

Mʉʉba biawãra jara b̶umina machiba mʉ bed̶ea ijãad̶akau.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 5:1

Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.