Juan 8:44 - Emberá Chamí

⁴⁴ Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Juan 8:44 Iomraidhean Croise

Mateo 12:34

¡Ẽbẽrarã dama! ¿Machi chi kachiruarãba saka ne bia berread̶aima? Ẽbẽraba ichi sõd̶e kʉ̃risia b̶uu kĩra, maka berreabarii.

Mateo 13:15

Ãchi sõ chaarea nureed̶eeba ũrid̶ai kʉ̃riad̶akau maud̶e unud̶ai kʉ̃riad̶akau. Maka panad̶awãe basirã, unud̶ai basii, ũrid̶ai basii maud̶e sõd̶eeba ijãad̶ai basii. Maabae mʉʉmaa neeped̶aad̶a basirã mʉʉba ãchi aribiabiai basii.

Mateo 13:38

Ne uu nub̶uu nau druabʉ. Chi netaa bia Bajãad̶e B̶uuba ichid̶irã ichi juad̶e ua b̶uud̶ebena ẽbẽrarãbʉ. Sirua kachirua, chi miadaa aude mechiu niid̶ebʉ.

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Juan 8:38

Mʉʉba jara b̶uu joma mʉ Chachaba mʉʉmaa jaradead̶a. Maud̶e machiba machi akõreba ũribiaped̶aad̶a ijãa panuu.

Juan 8:41

Machiba machi akõreba waubarii kĩra waubadau. Maud̶e ãchiba jarasid̶au: —¡Maamina dai wẽra aud̶uabariiba adaud̶awãe! Daiba Chacha ab̶aburu inid̶au. Mau Dachi Akõrebʉ.

Juan 8:55

Maamina ichi unud̶akau. Maud̶e mʉʉba ichi unubarii. Ichi unukau ad̶a basirã mʉ machi kĩra seta id̶aa nibai basii. Maamina mʉʉba ichi kuitaa b̶uud̶eeba ichi bed̶ea wau b̶uu.

Hechos 13:10

—Jʉbawãe nii warr, ¡bichiba ne joma jipa b̶uu kʉ̃riakau! ¡Kachirua waui baita b̶uabarii maud̶e setaa jarabarii! ¿Sakãe ara bichiba Dachi Mechiu biawãra bed̶ea seta a b̶uma?

Hechos 24:9

Judiorã aria panuu bid̶a joma mau bed̶ea biawãra asid̶au.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

2 Pedro 2:4

Angelerãba kachirua wausid̶aud̶e Dachi Akõreba kĩra chuburiabasii. Maumaarã chob̶ea pãriu b̶uud̶e jirakuasii. Mama kaenaba jʉ̃ panuu ab̶a Dachi Akõreba ãchi nebʉra ichiai ewarid̶aa.

1 Juan 1:8

Dachi kachiruaswãe panuu a panuubʉrã, ara dachi du ab̶a setaa jara panuu maud̶e biawãra bed̶ea adua panuu.

1 Juan 2:21

Mʉʉba nau karta b̶ʉwẽa b̶uu machiba chi biawãra bed̶ea adua panuud̶eeba maumaarã b̶ʉ b̶uu kuitaa panuud̶eeba. Maud̶e kuitaa panuu chi seta biawãrad̶ebenawãe.

1 Juan 2:4

Ab̶auba jaraaruubʉrã: «Mʉʉba ichi unu b̶uu», maud̶e ichiba waubi b̶uu bed̶ea wauwẽa b̶uubʉrã, mauba setaa jara b̶uu. Chi biawãra bed̶ea adua b̶uu.

1 Juan 3:12

Caín kĩra panad̶aabai panuu. Jʉbawãe niid̶e basiid̶eeba chi ãba beasii. ¿Sakãe ichi ãba beasma? Beasii ichi ãbaba wau b̶uad̶a Dachi Akõre daad̶e biꞌia b̶uasiid̶eeba maud̶e ichiba waud̶a kachirua b̶uasiid̶eeba.

1 Juan 3:15

Chi ichi ãba kĩramaa b̶uu Dachi Akõre daad̶e mia beabarii. Machiba kuitaa panuu chi mia beabarii ewaricha Dachi Akõre ome chokae b̶uabai.

Judas 1:6

Maud̶e kĩrabásturu chi nuree angelerã Dachi Akõreba duanud̶a kĩra paneed̶aabasii. Maumaarã chi panad̶amaa ida b̶usid̶au. Maud̶eeba Dachi Akõreba chob̶ea pãriud̶e jʉ̃akuasii ewaricha paneed̶amera chi ichiba kastikai ewarid̶aa.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Apocalipsis 9:11

Chi maarã sisi rey chi eakarr ed̶aa chob̶ead̶ebena angelbʉ. Ichi trʉ̃ hebreo bed̶ead̶e Abadón abadau maud̶e griego bed̶ead̶e Apolión.