Juan 8:36 - Emberá Chamí

³⁶ Maud̶eeba Dachi Akõre Warrba machi karibaaruubʉrã, biawãra ena nuread̶ai.

Juan 8:36 Iomraidhean Croise

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

1 Corintios 7:22

Chi chibari baita bari trajabarii Dachi Akõreba iud̶a Dachi Mechiuba kachiruad̶ebena karibasii ichi baita ne wau b̶uamera. Maud̶e chi chibari baita bari trajabariiwãe, jãabae Cristo baita bari trajabariibʉ.

2 Corintios 3:17

«Dachi Mechiu» aaruud̶e «Dachi Akõre Jauri» jara b̶uu. Chi Dachi Mechiu Jaurid̶eeba nibabarii kachiruad̶ebena maud̶e Moisesba b̶ʉd̶ad̶ebena ãyaa wãsii.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.