Juan 8:19 - Emberá Chamí

¹⁹ Maud̶e ãchiba Jesusmaa id̶isid̶au: —Maka b̶uubʉrã bichi akõre ¿sama b̶uma? Jesusba panausii: —Machiba mʉ unud̶akau maud̶e mʉ Chacha sid̶a unud̶akau. Machiba mʉ biawãra unubadau basirã, mʉ Chacha sid̶a unubadau bai basii.

Juan 8:19 Iomraidhean Croise

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Juan 1:10

Mau ʉ̃d̶aa nau iujãad̶e b̶uasii. Dachi Akõreba ichid̶eeba nau iujãa waud̶amina nau iujãad̶ebenarãba ichi kauwa unud̶aabasii.

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 7:28

Maud̶e Jesusba Dachi Akõre de mechiu dud̶a jaradea b̶uud̶e mimi jĩwa jarasii: —Biawãra machiba mʉ unubadau maud̶e kuitaa panuu samabena nee b̶uu. Maamina ara mʉʉd̶eeba neewẽa b̶uu, maumaarã chi biawãra jarabariiba mʉ bʉisii. Machiba ichi unud̶akau.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

1 Juan 2:23

Chi Dachi Akõre Warr kʉ̃riawẽa b̶uuba Dachi Bajãad̶ebena Akõre uru b̶uuwãe. Chi Jesús Dachi Akõre Warr a b̶uuba Dachi Bajãad̶ebena Akõre sid̶a uru b̶uu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.