Juan 8:17 - Emberá Chamí

¹⁷ Machi leyd̶e jara b̶uu ẽbẽra omeeba arab̶au bed̶ea jaraaduubʉrã ãchiba jara panuu biawãrabʉ.

Juan 8:17 Iomraidhean Croise

Mateo 18:16

Maamina bichi bed̶ea ijãawẽebʉrã, ẽbẽra ab̶a maebʉrã ome ichimaa adoese. Maarãba joma bichiba jara b̶uu biawãra b̶uu ad̶ai.

Juan 10:34

Jesusba jarasii: —Machi Moisesba b̶ʉd̶ad̶e naka b̶ʉ kub̶uu: “Mʉʉba jarasii machi dachi akõrerã”.

Juan 15:25

Maka panuu ãchi leyd̶e jara b̶uu kĩra. Naka jara b̶uu: “Ãchi kʉ̃riaba mʉ kĩramaabachid̶au”.

2 Corintios 13:1

Dachi Akõre bed̶ead̶e naka jara b̶uu: «Ab̶auba kachirua waud̶a ichiaduud̶e ẽbẽra ome maebʉrã õbea panad̶ai panuu. Maud̶e ichiba kachirua waud̶a ʉ̃rʉbena arab̶aud̶e jaraaduubʉrã, kuitaad̶ai biawãra kachirua wausii». Nauba b̶es õbea mʉ machimaa wãaruud̶eeba iadaai Dachi Akõre bed̶ead̶e jara b̶uu kĩra.

Gálatas 3:24

Biawãra Moisesba b̶ʉd̶aba dachi nu ua b̶uasii ab̶a Cristod̶e ijãaduud̶aa. Cristo neesiid̶e ichid̶e ijãa panuu kakua Dachi Akõreba dachi chi jipa nuree baara duanubarii.

Gálatas 4:21

Chi Moisesba b̶ʉd̶a juad̶e panad̶ai kʉ̃ria panuuba mʉʉmaa panáusturu: ¿Moisesba b̶ʉd̶ad̶e b̶ʉ kub̶uu adua panuka?

Hebreos 10:28

Naed̶e ab̶auba Moisesba b̶ʉd̶a ũri kʉ̃riawẽebʉrã, maud̶e ẽbẽra omeeba maebʉrã õbeaba biawãra maka b̶uu aaduubʉrã, mau ab̶aed̶e kĩra chuburiad̶awẽa beabachid̶au.

1 Juan 5:9

Ẽbẽraba unud̶a biawãra aaruubʉrã dachiba mau ijãabadau. Maamina Dachi Akõreba jara b̶uu aude ijãad̶ai panuu, ichi Warr ʉ̃rʉbena biawãra jara b̶uud̶eeba.

Apocalipsis 11:3

Mau ewarid̶e mʉʉba ẽbẽra ome bʉi mʉ ʉ̃rʉbena dod̶aa berread̶amera. Maarã paru parrba jʉ̃d̶aped̶a 1.260 ewari Dachi Akõre baita berread̶ai».