Juan 8:14 - Emberá Chamí

¹⁴ Jesusba jarasii: —Ara mʉ ʉ̃rʉbena berrea b̶umina mʉʉba jara b̶uu biawãrabʉ. Mʉʉba kuitaa b̶uu mʉ samareeba neesii maud̶e samaa wãi. Maamina machiba mau adua panuu.

Juan 8:14 Iomraidhean Croise

Juan 10:15

Ara mau kĩra mʉ Chachaba mʉ kuitaa b̶uu maud̶e mʉʉba mʉ Chacha kuitaa b̶uu. Mʉ michi oeja kakua biui b̶uu.

Juan 10:36

¿sakãe mʉʉba ichi ʉ̃rʉbena kachirua jarasii a panuma, mʉʉba bari ichi Warr a b̶uasiid̶eeba? Dachi Akõreba mʉ ara ichi báitaburu awara b̶usii maud̶e nau iujãad̶aa bʉisii.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 14:10

¿Bichiba ijãawẽa b̶uka mʉ, mʉ Chacha ome b̶uu maud̶e mʉ Chacha mʉ ome b̶uu? Mʉʉba berrea b̶uu ara mʉʉd̶eeba berreakau. Maumaarã mʉ Chacha mʉ ome b̶uuba mʉʉd̶eeba berrea b̶uu. Biawãra mʉʉd̶eeba ne joma waubarii.

Juan 16:28

Mʉ Chacha b̶uumarebena nau iujãad̶aa neesii. Maamina mʉʉba nau iujãa b̶ʉi mʉ Chachamaa waya wãi baita.

Juan 17:8

Bichiba mʉʉmaa jarad̶a mʉʉba maarãmaa jaradeasii. Maarãba mau bed̶ea ijãasid̶au. Maud̶eeba kuitaa panuu biawãra mʉ bichid̶ebena neesii. Biawãra ijãa panuu bichiba mʉ bʉisii.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 5:31

»Mʉʉba jara b̶uu biawãramina ara mʉ ʉ̃rʉbena berrea b̶uud̶eeba, machimaarã mau biawãrawãe b̶uu.

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

2 Corintios 11:31

Dachi Bajãad̶ebena Mechiu Jesús Akõre ʉ̃rʉbena ewaricha biꞌia berread̶ai panuu. Ichiba kuitaa b̶uu mʉ setaa jarakau.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 3:14

»Chi Laodicea puurud̶ebena ijãabadaurã nubarii ángel baita kartad̶e naka b̶ʉse: »Biawãra Bed̶ea trʉ̃ jarabadauba Dachi Akõred̶ebena biawãra joma arakʉd̶e jarabarii. Ichid̶eeba Dachi Akõreba ne joma wausii. Ichiba naka jara b̶uu: