Juan 8:12 - Emberá Chamí

¹² Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 8:12 Iomraidhean Croise

Mateo 5:14

Machi ʉ̃d̶aa kĩra nuree, nau iujãad̶e nureeba machi tãed̶eeba Dachi Akõre unubadaud̶eeba. Puuru ead̶e kub̶uu ¿saka merad̶aima?

Lucas 2:32

Ichi ʉ̃d̶aa kĩra b̶uai judiowãe nureerãba bichi ʉ̃rʉbena kuitaad̶amera. Ichi kakua bichi puuru Israel baita chi bia jarad̶ai».

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 12:36

Ʉ̃d̶aa machi tãed̶e uru panuumisa mau ʉ̃d̶aad̶e ijã́sturu ẽbẽrarã ʉ̃d̶aad̶ebena nuread̶amera. Mau bed̶ea jarasiid̶e Jesús wãped̶a mirusii.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 3:19

»Dachi Akõreba nau iujãad̶ebenarã kastikabarii nau kakua: chi ʉ̃d̶aa nii nau iujãad̶aa neesii jomaurãba Dachi Akõre unud̶amera. Maamina ẽbẽrarãba kachirua waubadaud̶eeba pãriu ãrea kʉ̃riasid̶au.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.

Juan 9:5

Maamina nau iujãad̶e b̶uud̶e mʉ ẽbẽrarã baita ʉ̃d̶aa kĩra nii mʉ Chacha ʉ̃rʉbena kuitaabiai baita.

Hechos 13:47

Daiba maka waud̶amera Dachi Mechiuba naka jarasii: “Mʉʉba bichi ʉ̃d̶aa kĩra b̶usii judiowãerãba mʉ ʉ̃rʉbena kuitaad̶amera. Bichiba joma nau druad̶e nureerãmaa kuitaabiai chi mʉʉba karibai ʉ̃rʉbena”».

Hechos 26:23

Ãchiba jarabachid̶au Dachi Akõreba Dachi Karibabarii deai jarad̶a ãrea puꞌuaba biui b̶uasii maud̶e chi biuped̶aad̶arãd̶ebena naa chokae jiradui b̶uasii, chi dachi karibai ʉ̃d̶aa b̶uu judiorãmaa maud̶e judiowãerãmaa jarai baita.

2 Pedro 2:17

Setaa jaradeabadaurã mied̶e baniaswãe b̶uu kĩra nuree. Ãchi jʉ̃rʉara pũaturãba ãyaa adoeruu kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradea panuuba aid̶akau. Dachi Akõreba chob̶ea ãrea pãriu b̶uud̶e b̶usii ãchi kastikakuai baita.

2 Pedro 2:4

Angelerãba kachirua wausid̶aud̶e Dachi Akõreba kĩra chuburiabasii. Maumaarã chob̶ea pãriu b̶uud̶e jirakuasii. Mama kaenaba jʉ̃ panuu ab̶a Dachi Akõreba ãchi nebʉra ichiai ewarid̶aa.

1 Juan 1:6

Ichi ome ãbua biꞌia panuu aaduubʉrã, maamina pãriud̶e nibaaduubʉrã, setaa jara panuu. Biawãra bed̶ea ijãad̶awẽa panuu.

Judas 1:13

Mard̶ebena ʉ̃rape meserãa kĩra nuree. Marba ichi ʉ̃raped̶ebena kõpepeabibarii kĩra, naarãba ne barikia nejasia waubadau. O kachiruad̶e wãaduud̶eeba, pusterrea aoko barikiud̶e wãaruu kĩra nuree. Dachi Akõreba chob̶ea pãriu kub̶usii ewaricha kastikakuai baita.

Judas 1:6

Maud̶e kĩrabásturu chi nuree angelerã Dachi Akõreba duanud̶a kĩra paneed̶aabasii. Maumaarã chi panad̶amaa ida b̶usid̶au. Maud̶eeba Dachi Akõreba chob̶ea pãriud̶e jʉ̃akuasii ewaricha paneed̶amera chi ichiba kastikai ewarid̶aa.

Apocalipsis 21:24

Chi puuru ʉ̃d̶aaba druacha joma ʉ̃d̶aa duanad̶ai joma mau ʉ̃d̶aad̶e nibad̶amera. Maud̶e druachabena reyrãba ne bia uru b̶ee mau ichimaa adoed̶ai.