Juan 7:7 - Emberá Chamí

⁷ Nau iujãad̶ebenarãba machi ¿sakãe kĩramaad̶aima? Maamina mʉ kĩramaabadau, ãchiba kachirua waubadau mʉʉba arakʉd̶e jarabariid̶eeba.

Juan 7:7 Iomraidhean Croise

Lucas 6:26

Machi miichuburi panad̶ai ẽbẽrarãba machi ʉ̃rʉbena biꞌia jaraaduubʉrã. Machi nabẽraed̶ebenarãba ẽbẽrarã Dachi Akõre trʉ̃d̶eeba setaa jaradea nuree ʉ̃rʉbena maka biꞌia jarabachid̶au”.

Juan 17:14

Bichiba jarad̶a mʉʉba maarãmaa jaradeasii. Maamina nau iujãad̶ebenarãba maarã kĩramaabadau mʉ kĩramaabadau kĩra, nau iujãad̶ebenarãwãed̶eeba.

Juan 3:19

»Dachi Akõreba nau iujãad̶ebenarã kastikabarii nau kakua: chi ʉ̃d̶aa nii nau iujãad̶aa neesii jomaurãba Dachi Akõre unud̶amera. Maamina ẽbẽrarãba kachirua waubadaud̶eeba pãriu ãrea kʉ̃riasid̶au.

Romanos 8:7

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã, Dachi Akõre kĩramaabʉ. Moisesba b̶ʉd̶a wau kʉ̃riakau; ne ab̶a bid̶a poyaa waukau.

Gálatas 4:16

Mʉʉba biawãra jara b̶uud̶eeba ¿mʉ machi kĩramaa baika?

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.

1 Juan 4:5

Maarã nau iujãa kachiruad̶ebenarãbʉ. Maud̶eeba nau iujãad̶ebena kʉ̃risia jaradeabadau maud̶e ãchiba jaradea panuu nau iujãad̶e Dachi Akõred̶e ijãad̶akaurãba ijãabadau.