Juan 7:6 - Emberá Chamí

⁶ Maud̶e Jesusba ãchimaa jarasii: —Mʉ wãi ewari wabid̶a neewẽa b̶uu maamina machi baita barikiu ewari wãd̶ai baita bibuara b̶uu.

Juan 7:6 Iomraidhean Croise

Mateo 26:18

Jesusba panausii: —Jerusalend̶e dachiba unubadau ẽbẽramaa wã́sturu. Ichimaa naka jarásturu: “Dachi Jaradeabariiba jara b̶uu ichi ewari ara kaita b̶uu. Ichiba maud̶e ichi baara nibabadaurãba Pascua ewarid̶e chi kobadau bichi ded̶e kod̶ai”.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

Juan 2:4

Maud̶e Jesusba jarasii: —Dana, ¿Sakãe bichiba mʉʉmaa naka jara b̶uma? Mʉ ewari neewẽa b̶uu.

Juan 7:30

Maud̶eeba ãchiba Jesús jidaud̶ai kʉ̃ria panasid̶au, maamina ab̶au bid̶a jidaud̶aabasii ichi ewari neewẽa b̶uasiid̶eeba.

Juan 7:8

Wã́sturu mau bari panabadau ewari wau panuumaa. Mʉ wabid̶a wãwẽe, wabid̶a mʉ wãi ewari bawẽa b̶uud̶eeba.

Juan 8:20

Jesusba Dachi Akõre de mechiu dud̶a, chi Dachi Akõre baita chi nejarr pebadaumare, jaradea b̶uasiid̶e joma mau jarasii. Maamina ab̶au bid̶a ichi jidaud̶aabasii ichi ewari wabid̶a bawẽa b̶uasiid̶eeba.

Hechos 1:7

Jesusba panausii: —Makai ewari machiba kuitaad̶aabai panuu. Ab̶aburu mʉ Chacháburu kuitaa b̶uu mau ewari b̶usiid̶eeba.