Juan 7:41 - Emberá Chamí

⁴¹ Maud̶e waabenarãba jarasid̶au: «Ichi Dachi Akõreba Dachi Karibabarii deai jarad̶a». Maamina waabenarãba jarasid̶au: «Makawãe. ¿Dachi Akõreba Dachi Karibabarii deai jarad̶a Galilead̶ebena neebaika?

Juan 7:41 Iomraidhean Croise

Juan 1:41

Andrés Jesús baara b̶uaped̶a naa ichi ãba Simón jʉrʉd̶e wãsii. Unusiid̶e jarasii: —Daiba unusid̶au Dachi Akõreba Dachi Karibabarii deai jarad̶a.

Juan 1:46

Natanaelba Felipemaa jarasii: —¿Makarã Nazaretd̶ebena ne biꞌia neeika? Felipeba jarasii: —Wãd̶a ichiad̶e.

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Juan 4:25

Chi wẽraba jarasii: —Mʉʉba kuitaa b̶uu Dachi Akõreba Dachi Karibabarii deai jarad̶a biawãra neei. Mau neeruud̶e dachimaa ne joma kuitaabiai.

Juan 4:29

—Ichiad̶e wã́duru, chi mʉʉba unud̶a ẽbẽra. Mauba mʉʉmaa jarasii joma mʉʉba naed̶e waud̶a bad̶a. ¿Mau Dachi Akõreba Dachi Karibabarii deai jarad̶awãeka?

Juan 4:42

Ãchiba chi wẽramaa jarasid̶au: —Daiba ab̶aburu bichiba jarad̶a kakua ijãa panuuwãe, maumaarã ijãa panuu ichiba jaradea b̶uu ũrisid̶aud̶eeba. Daiba kuitaasid̶au ichi biawãra jomaurã karibabarii.

Juan 6:69

Daiba bichi bed̶ea biawãra ijãa panuu, maud̶e daiba biawãra kuitaa panuu bichi Dachi Akõreba Bʉid̶a Jipa Nii.

Juan 7:27

Maamina dachiba kuitaa panuu ichi samareeba nee b̶uu. Dachi Akõreba Dachi Karibabarii deai jarad̶a neeruud̶e ab̶au bid̶a kuitaad̶aabasii ichi samareeba neeruu».

Juan 7:31

Ãreaba ichid̶e ijãasid̶au maud̶e jarasid̶au: —Dachi Akõreba Dachi Karibabarii deai jarad̶a neeruud̶e ¿nau ẽbẽraba wau b̶uu audeara ẽbẽrarãba ne poyaa waud̶akau ãrea waui b̶uka?

Juan 7:52

Ãchiba panausid̶au: —¿Makarã bichi Galilead̶ebenaka? Dachi Akõre bed̶ea b̶ʉd̶ad̶e biꞌia jʉrʉse. Maud̶e bichiba kuitaai ab̶au bid̶a Dachi Akõre baita berreabarii Galilead̶ebena neewẽe.