Juan 7:39 - Emberá Chamí

³⁹ Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

Juan 7:39 Iomraidhean Croise

Mateo 16:14

Ãchiba jarasid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi Jeremías maebʉrã Dachi Akõre baita berreabarii.

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Lucas 24:49

Biawãra mʉʉba machimaa mʉ Chachaba ichi Jauri deai jarad̶a bʉi. Maud̶eeba machi nama Jerusalend̶e panásturu ab̶a ichi bajãad̶ebena poyaabarii adauduud̶aa.

Lucas 3:16

Maamina Juanba jomaurãmaa jarasii: «Biawãra mʉʉba baniaba machi boro ea b̶uu. Maamina mʉ audeara chi mechiu nii neei. Mauba jʉ̃rʉd̶e jʉ̃barii mʉ mau enai baita biꞌiwãe b̶uu. Mauba Dachi Akõre Jauri deai. Maamina ijãad̶awẽebʉrã kastikakuai.

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Juan 1:21

Ãchiba waya id̶isid̶au: —¿Makarã bichi kaima? ¿Bichi Eliaska? Ichiba panausii: —Mʉ Eliaswãema. Ãchiba waya id̶isid̶au: —Bichi ¿Dachi Akõre baita berreabarii chi mechiu neei b̶uad̶aka? Ichiba panausii: —Mʉ mauwãema.

Juan 1:25

Maarãba ichimaa id̶isid̶au: —Bichi Dachi Akõreba Dachi Karibabarii deai jarad̶awãebʉrã, maud̶e Eliaswãebʉrã, maud̶e Dachi Akõre baita berreabarii chi mechiuwãebʉrã, ¿kai trʉ̃d̶eeba bichiba ẽbẽrarã boro eakua b̶uma?

Juan 1:33

Ara mʉʉba mau unuka basii. Maamina mʉʉba boro eamera Dachi Akõreba bʉisiid̶e naka jarasii: “Bichiba unui mʉ Jauri ẽbẽra ʉ̃rʉ neeped̶a mau baara b̶eeruu. Unuuruud̶e bichiba kuitaai mauba ichi Jaurid̶eeba boro earuu”.

Juan 12:16

Jesús baara nibabadaurãba mau unu panumina kuitaad̶aabasii. Maamina Jesús chokae jiraduped̶a bajãad̶aa wãd̶akáreburu kuitaasid̶au Dachi Akõre bed̶ead̶e ichi ʉ̃rʉbena naed̶e b̶ʉd̶a joma biawãra makasii.

Juan 12:23

Maud̶e Jesusba jarasii: —Chi ewari basii. Dachi Akõreba mʉ, chi Ẽbẽra Ba B̶uad̶a chi Mechiu b̶ui.

Juan 14:13

Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 16:14

Kuitaabiai mʉ chi mechiu nii, mʉ bed̶ea ũriped̶a joma machimaa jaraaruud̶eeba.

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

Juan 17:5

Maud̶eeba Chacha, mʉ bichi daad̶e chi mechiu b̶use bichi ome nau iujãad̶e waui naed̶e maka nibad̶a kĩra.

Juan 20:22

Maka jaraped̶a ãchimaa jãripuaped̶a jarasii: —Dachi Akõre Jauri adáusturu.

Juan 6:14

Chi Jesusba ẽbẽrarãba ne poyaa waud̶akau waud̶a unusid̶aud̶e, ẽbẽrarãba naka jarasid̶au: —Biawãra nau Dachi Akõre baita berreabarii mechiu nii, chi nau iujãad̶aa neei b̶uad̶a.

Juan 7:12

Maud̶e ãrea aria duanuuba Jesús ʉ̃rʉbena didiwaraa berrea duanasid̶au. Waabenarãba jarabachid̶au: «Ichi ẽbẽra bia nii», maamina waabenarãba jarabachid̶au: «Makawãema; seta id̶aa nii».

Juan 8:54

Jesusba panausii: —Ara mʉ ʉ̃rʉbena biꞌia kʉ̃risiaruubʉrã mauba jarawẽa b̶uu mʉ biꞌia nii. Maamina mʉ Chachaba mʉ ʉ̃rʉbena biꞌia berrea b̶uu. Machiba ichi “Dachi Akõre” a panuu.

Hechos 19:2

Ichiba mau ãbarãmaa id̶isii: —Machiba Cristod̶e ijãasid̶aud̶e ¿Dachi Akõre Jauri machiba irsibisid̶aka? Ãchiba panausid̶au: —Daiba wabid̶a Dachi Akõre Jauri ʉ̃rʉbena ũrid̶akau.

Hechos 2:17

“Dachi Akõreba naka jara b̶uu: Kaad̶ebena ewarid̶e mʉ Jauri joma ẽbẽrarãmaa deai. Maka machi warrarã maud̶e machi kaurã mʉʉba jarabi b̶uu kĩra berread̶ai. Mʉʉba kũudrãarã daumaa ne unubiai. Maud̶e chõrarã bid̶a kamokaraad̶e maka unubiai.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Romanos 8:9

Maamina Dachi Akõre Jauri biawãra machi sõd̶e b̶uubʉrã, ichid̶eeba nibabadau. Nau kakuaba wau kʉ̃ria b̶uud̶eeba nibad̶aabai. Biawãra chi Cristo Jauri wãꞌãe nii, Cristod̶ewãema.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.